الــبـــدع:إبـــن الــجـــنـــوب =
أوهمتني رابعـه إن الخالديـه لـي وميـة بيـر=
والقصر مرسوم ماهلا يجي الباني يطوّل عمـره=
والعنـب والخـوخ والرّمـان مـاهـلا تبـدّلـه =
كنّ ماعد فوق راسي رأس عندي كل صنف وتمرا=
ماعد إلا ازهم على العمّال وأقعد للصبـر واكيـل=
أعطي المحتاج والزوّار من ماعندنـا وأتصـدّق=
ماإبغي إلا حد يقـول الله يبـارك فـي مزارعـه=
واصبحت وانا الفقير اللي تناثـر ناصفـة حبّانـه=
قطعته لـو بيرهـا ينسـاق مادمّـى غروسهـا=
الــــرد:إبــــن الـــجـــنـــوب=
افتكربعض البشر مايرتفـع قـدره وميـت بيـر=
قاعدن(ن)والناس مايبغونـه الله لايطـوّل عمـره=
لو يحسّ أغتـار لـو يابـا منـه ثوبـه تبدّلـه=
الخلا ياميت الإحساس لاتنهـى الرّجـال وتمـرا=
جاملوك النـاس لكـن للنهايـه والصبـر وكيـل=
اللذي ماهو كفو ماجاء بهرجـه ثابتـه وتصـدّق=
واللي مايمزا فلا يدري إن من بعد المـزا رعـه=
الله كم رجل(ن)ذهين ولا يعلّمنـا صفـة حبانـه=
والله كم ناس(ن)تطوف الأرض في دمّاغ روسهـا=