يانعلبو الفقر لا يرحم ولا ياوي=راع الفقر طول عمره مظلم(ن) داره
الفقر شرّه عطيب ولا له امداوي=يهون بيت الفقر حتى على جاره
فقير والفقر حمله من له ايقاوي=يقص ضهر الذي يتحمّل اوزاره
كلن يلقّيه ضهره ماله ارجاوي=حتى اقرب الناس مايدري عن اخباره
يمسي يقلّب هجوس الفكر ويلاوي=ويختفي عن عيون الدين بنهاره
ياكم ليالي يبات ابحسرته طاوي=يتالي الزفره والاوهام سمّاره
في جوفه النار توقد جمرها الضاوي=يهجم عليه الفقر غاره ورى غاره
ماله من الناس من يصحبه ويخاوي=تجري عليه الصروف وتكشف اسراره
والرزق ماكان بين الناس متساوي=في طلب الارزاق كلن حث مشواره
ماهو بطول الذراع ولا الذي هاوي=واهل المكاسب غدو للسوق تجّاره
مايندم الا الذي عن سكته غاوي=والسوق يلعب على الحبلين شطّاره
المال يرفع بقدر الخاوي الجاوي=والفقر ذل العزيز وهان مقداره
تجفّ الاوراق لو ماجا لها راوي=لو الضماء صاب ديره يقتل اشجاره
وش في ديار الفقر ياذيب ياعاوي=حتى ثراها يصالي بااللّظاء ناره
لو كان باالنّيه كلن للغنى ناوي=لكنه الرزق بيد الخالق اقداره

المشاركة الأصلية كتبت بواسطة %هوى الجنوب (المشاركة 291358) صح لسانك .. مررت من هنا ..واعجبني ماكتبت

المشاركة الأصلية كتبت بواسطة زهران (المشاركة 291367) يا سلام يابو طلال للشعر معك عنوان آخر صح لسانك ملايين

المشاركة الأصلية كتبت بواسطة بن خضران (المشاركة 291370) وش في ديار الفقر ياذيـب ياعـاوي حتى ثراها يصالـي بااللّظـاء نـاره الله عليك يابو طلال كعادتك مبدع ولا تحرمنا جديدك

المشاركة الأصلية كتبت بواسطة مشهور (المشاركة 291378) شاعر المنتدى الشاعر علي السبية السلام عليكم ورحمة الله وبركاته لقد اتيت بابيات لها صداها ومن صداها ما تفضلت به عن امر مقسوم ولن نتمكن من كبح جماحه بل لن نستطيع ان نعمل له شي الى ان نفكر ليلنا ونهارنا في الحلول والحل عند الواحد الحد الفرد الصمد رب العباد مقسم الارزاق في الدنيا وله في كل امرا شان ابيات لها معنى ولها اسلوب في الحياة قد كونت منها حقيقة لامحاله ونحن نقرى هذه الابيات ونسمعها بل نتغنا بها ونحسها ونشعر بمرارتها كل يوم الفقر ولاغيره هو العدو الدود لكل فرد في هذه الحياة سلمت شاعرنا على هذا التعبير الغيرمستغرب منك وهذه الحقيقة فمن مربمثل هذه الحالة يدعو ربه ومن عا ش في غنا عنها يدعو ربه اذا الدعا ولاغيره الله ام اجرنا من الفقر واهواله وارزقنا من فضلك ولا تكلنا الى غيرك طرفت عين ياسميع ادعا يارب العالمين مشهور وش في ديار الفقر ياذيـب ياعـاوي حتى ثراها يصالـي بااللّظـاء نـاره لو كان باالنّيه كلـن للغنـى نـاوي لكنه الـرزق بيـد الخالـق اقـداره