ياناس ياغاليين وش هذا الجفا=مرو علينا واسعدونا باالمرور
مروركم يغني وعن غيره كفا=مروركم غاية مرادي والسرور
اوفو مع اللي في محبتكم وفا=ولا تزيدون القساوه والغرور
اكتب وطرف القلب صاحي ما غفا=وانثر ورود الحب ما بين السطور
باقي على الاشواق قلبي ما هفا=والشوق ما يستحمله غير الصبور
الشعر مثل البرد والمعنى دفا=والسطر مثل الليل وحروفه بدور
لو ما يكون الشعر للغالي لفى=ما طاعني نضم القوافي والنثور
وغاب نجمه عن عيوني وانطفا=وغار ما بين النجوم اللي تغور
تضهر بيوت الشعر والمعنى اختفى=بين الضلوع العوج الى يوم النشور
ياللي بكم شعري تغنّا واحتفى=انتم له التيجان واوسام الصدور
خلاصة المعنى لكم شعري صفا=لغيركم ما نجبر ابياته جبور
الله يحميكم بجاه المصطفى=من عين عذّال المحبه والشرور

حضرت ليكون لي شرف الحضور الاول
وقرائة الابداع والتميز والجمال
\
الشاعرا لقدير.. علي السبيه..//
شهادتي بماتكتب مجروحه
فلسفه شعريه تجعلنا نعانق دفء الشعور وروعة المشاعر
لكن اقول انك سيد الابداع في كل حالاتك
تملك أ سلوب خاص في كتابة القصيدة الصادقة
ابدعت كماهو انت مبدع
صح لسانك يامبدع ..تسلم ولاهنت.
وصح كلك على هذا الالق وهذه الشاعريه الجميله
وتقبل احترامي وتقديري..//

مروركم ياهل الوفى طب وشفى=بلسم سنيني وابتسامات الشعور
الا سواكم مالخلايق فالقفا=سيان عندي في غيابه والحضور