في حضرتك ياصاحبي تحضر الروح=وتغيب عني ياالغضي في غيابك
ماكن قلبي الا على الصاج مطروح=يلهب على جمر الغضى والتهابك
لو ما لعين الشوق نضرات والموح=ماكان شابت نضرتي في شبابك
خذني بقايا شوق وانفاس واجروح=وعين يملاها ملامح سرابك
لو تختفي نبرات شوقي من البوح=ذابت معاني لهفتي في كتابك
مالي بباقي الغيد غايه ومصلوح=عمري بدى بك يالغضي وانتهى بك
انت المليح اللي غلب كل مملوح=وانت الدوى ياصاحبي من عذابك
وشمس قلبي والبساتين والدوح=وليل المنى والخافق اللي سرى بك
رسمه من الوان الشفق زانة اللوح=وروضً اخضر يرتوي من سحابك
لفحه من الضي تطرد الليل واتلوح=وتكسف اقمار السماء من شهابك
وفي عيوني لك مدينه لها اصروح=والقلب قصرك والمعاليق بابك
في وصف غيرك راهج الصوت مبحوح=كل الحروف الابجديه تهابك
جنبك تجي كل المزايين وتروح=مايستقر الا لحضرة جنابك

صح بدنك ياشاعر باالمفضل ومرورك يسعدني ويشرفني واعتبره تاج على راسي

صح بدنك يااخت بدويه واشكرك جزيل الشكر على هذا الكلام
الطيب والجميل ومرورك يسعدني ويشرفني واعتبره تاج على راسي

تسلم ياليالي نجد واشكرك جزيل الشكر على هذا الكلام الجميل
والاطراء الطيب الذي يدل على طيبك واصالة معدنك وعسى ان
اكون عند حسن الضن وكل صفحات المنتدى تحت امرك ووتشرف
بتواجدك ومرورك يسعدني ويشرفني واعتبره تاج على راسي

تسلم ياشيخ زهران يااستاذ الشعر والمعنى واشكر لك تواجدك الطيب
في هذه الصفحه المتواضعه ومرورك شرف للقصيده وصاحب القصيده

علي السبيه

صح لسانك ملايين ولا يكفون

من حسن حضي أن أمر على هذا الإبداع لأستمتع بجمال تضعه بين أيدينا بكل تواضع

عسى الله يوفقك يادكتور القصايد