خذنا من ايام الزمن علم وادروس=
دنيا تمهّد للمخاليق تمهيد=
.=
وش العمل لا عوّد العمر منحوس=
والحظ نكبه والليالي مقاريد=
.=
منحوس لو حطو على الراس فانوس=
يلقى ضروفه كل ابوها مناكيد=
.=
الحظ لا اقبل يكسر السهم والقوس=
ويطيح في شبك الرخوم اجمل الغيد=
.=
لو كان يشرى طيب الحظ بفلوس=
اشريه واصرف له من المال وازيد=
.=
لكن حظوظ النحس كم شيّبت روس=
لفّت على الاعناق والمعصم القيد=
.=
الى تولاّ له عرب حاسهم حوس=
لو ياتولاّ الرّوض الاخظر غدت بيد=
.=
يغربل الافكار ويدوسهم دوس=
يضدّ واوقاته تعاند معانيد=
.=
مثل الشبا وآحدّ من قاطع الموس=
كل القلوب اللي احتواها مضاهيد=
.=
النحس يلبس صاحبه شر ملبوس=
يلبّسه ثوب العزاء ليلة العيد=

كالعاده قصااائد رااااااااااااائعه..
دمت قلما راقيا باحساســــــــــه الجمييييييل..
ويعطيك العافيـــــــــــــــــــه..
مرووووووووووووري..