|
ديـــــــوان الا مير خالد الفيصل
يا طــــارد يا طــــــارد اللي راح خــله ومــلوه ما يستــقيم الظــل لا عـــوج عـوده ولا ينفــــع النـــدمان قولــة حــولاه جـحـر لـدغ يمنـــــاك لا لا تعـــــوده مـــد النظـــــر في خلق ربي تمعناه إلى انتقص من حــال حــال يــزوده الله جعــــل للمبتــــــــلي داه ودواه وكل على عزمات قلبــــــــه حدوده السحاب البعيد |
كل ما نسنس كلما نسنس من الغربي هبوب .. حمل النسمة سلام وان لمحت سهيل في عرض الجنوب .. عانق رموز الغرام لك حبيب ما نسا .. كلمته دايم عسى اطلب الله وارتجيه .. صبح يومي والمسا كل زين اشهاده وانتم بعيد ..منوتي ليتك معي وان سهرت الليل اهوجس بك واعيد.. هل لاجلك مدمعي وانت هاجس خاطري .. وانت فرحة ناظري يا قريب ويا بعيد .. فيك امس وحاضري نشوتك تلعب مع قطر المطر .. وانتشى قطره معك والسحاب يطاردك بين الشجر .. خالق الزين ابدعك الندى في وجنتك .. صار عطر بلمستك والهوى غنى طرب .. تستثيره بسمتك كلما ضمت عيوني منك طيف.. يا بعد كل الطيوف قلت ما مثلك على الدنيا وصيف ..لا حشا مالك وصوف لا سحاب ولا مطر .. لا نسيم ولا زهر .. لا طيور ولا زهر .. ولا مع باقي البشر .. السحاب البعيد |
في سحابه
في سحابه على متن التمني شفت عمري خيال في سحابه يا ذهابه .. تعدى ما ارجهن كن عامه نهار يا ذهابه .. من غدا به ربيع العمر مني حسبي الله على وقت غدا به .. إلتوى به رجا قلب يون ويل قلب تعلق والتوى به في شبابه .. حبس نشواه عني ما تهيا لذيذه في شبابه ذا صوابه عقب ما هو طعني .. لو نسيته يذكرني صوابه من هقابه .. يخيب كل ظني واعذاب الخفوق اللي هقابه رد بابه .. زماني وامتحني يوم ثور عجاجه رد بابه يا ربابه .. على المسحوب غني من قصيدي بكى قوس الربابه . السحاب البعيد |
بنت الكحيله .. بنت الكـــحيــــله مهــــــرتي وخيـــــــالتي مــــن كل اصيل *** ألقــــــى علــــيها طــــــربتي بين المعنــــــق والشلــــــــيل *** صـــــدر وقــطــــــاة فلـــوتي العنــــق والســـــاق الطويــل *** وقع الحـــوافر نغــــــمـــــــتي وحــــداتنا رجـــــع الصــهيـل *** أبـــــــوي وجـــــدي قــدوتي لو ما لهــــم عنــــــدي مثيل *** بالدين تفخــــــــــر عــزوتي والرمح والسيف الصـــــــقيل *** ماكــــــر حــــــرار ديـــــرتي ما في هل العــوجـــــا ذليـــــل السحاب البعيد |
سريت ســــريت ليل الهوى لين انبلج نــوره امشي على الجدي وتسامرني القــمرا *** طعـــس وغدير وقمر ونجوم منثوره انفـــــاس نجــــد بها جرح الدهر يبرا *** يا نجد الاحباب لك حدر القمر صوره طفـــلة هـــلال وبنت اربع عشر بدرا *** حبيبتـــي نجـــد عـــيني فيك معذوره معشوقة القلب فيـــــها للنـــظر سحرا *** فضة شعاع القمر في نجــد مسحوره منشـــــاف لـــمع قــمر في خدة سمرا السحاب البعيد |
من بنات الريح .. من بنات الريح لي صفرا جفـــــول كنها ظـــبي الفــلا بجفـــالهـــــــــا *** منــوة الخيال عساف الخيـــــــــول زينـــها فــــي دقـــها وجلالـــــــها *** زينها ما شفت وصفه بالمثــــــول الله اللي بالجــــــمـال اصـــخى لها *** تسـتذير كحيلتـــى مـــــن كـل زول ما يصخــرهـــا ســوى خيالـــــــها *** اذكر الله كل ما قامــت تجـــــــــول و احمد الله خصـــنى بحبالــــــــها *** كنها تمشي علـــى قـــــرع الطبول فتنى اللي خافقــــه يبـــــــــرى لها *** ظافي القصه على الطرف الخجول تنكسر شمــــس العـــــصر بظلالها *** وصفها وصف السحاب اللي يحول كل عين تستخيــــــــل خيـــــــالها *** او كما طاري على الخاطر عجــــول صاحبه حقـيقـتـــــه مـــــا طالهـــــا *** كل رجل في حيـــــــاته له ميـــــول والهــوايه تمـــتلك رجــــــــالهــــــا السحاب البعيد |
سمرت .. سمرت بصحبة حروف القوافي احمــــلها تنــــاهــــيت خــوافي *** اشــكل بالحروف الوان صــوره احـــركها من المعنى بصـــــافي *** اشـــيل الحرف من معنى لمعنى واجــاري ما زهر واظهر بخافي *** والــــى منى عطيت الحرف ونه بهـا حرفي على النجمات طافي *** يقــــوم كــــــل نجـــم من منامه أنا مـــا نيب اســامر نجم غافي *** يجينــــــي كل نجــــم منه معنى ولا قــــــد قــلت للنجـمات كافي *** تصــــور لــــي دموع وابتسامه مــن عيون تقصوت ما تشاف *** ألا يـــــا نجــــــم يا عالي تبصر شــــف بعين المحبه عين وافي *** وخبــــرني عــــن علومه وحاله عســـــى قلبه مع الأشواق دافي *** ولــــو ممشــــاي في جمر يفيده مشـــيت بجمـــــرها كنه عوافي *** ولكـــــن وش يفـــيده لو ذبحني ومن يوصـــف جماله عقب قافي السحاب البعيد |
طال السفر .. طال السفر والمنتظر مل صبره والشوق با محبوب في ناظري شاب رد النظر خليت بالكف جمره سعيرها في داخل القلب شباب عز الخبر والمهتوي ضاق صدره يا من يرد العلم عن هاك الأحباب طيفه عبر ما أرسل مع الطيف عذره هو خاطره من لوعتي ما بعد طاب هو ما ذكر أن الجفا فيه كسره للخافق اللي من هوى صاحبه ذاب يا ما سهر طرفي على حبس عبره اردها والوجد للدمع جذاب دمعٍ حدر جاله على المنع جسره عظيم وجدي للدمع شرع الباب يوم وشهر عزاه والعمر مره والناس واجد لكن الولف غلاب السحاب البعيد |
ساعة الفرحة .. يا ساعة الفرحه تشوقت للعيـــــــــــد عيد العيون وعيد قلب الصــــــــــبابه *** رد الجمال لشوفتي يا اتلــــــــع الجيد واسحب على حرفي لحــــــون الربابه *** حرفي بصوتك يا اجمل الصوت تغريد يا رمز حبـــي هــــــاك رمز الكتـــابه *** يا صبح عــــمر فـــــيك للعمر تجديد وحبك يجــــدد كــــل يــــــوم شــــبابه *** للعين والقمرا وحســــــنك مـــــواعيد وليل الهوى شــرع للأحبــــــــاب بابه *** ياما زعجت الصــــــوت باسمك تراديد وياما نســــيم الوجــــد يمـــــك سرابه *** وياما تمنيتك على باقـــــــي الـــــغــيد واقول مثلك يا غلا الــــروح مــــــا به *** ابيك تهوى مثل مـــــا اهـــــواك وتزيد يا من خفوق القلــــب حســـنك غدا به *** يا قطرة الغيمه علـــى يابس الــــــــبيد رد الحــــياة لخـــــافــقي يا ذهـــــــــابه السحاب البعيد |
حدر القمر .. حدر القمر صوّت لخـــــله ونـــــــــاداه ثـــــلاث مــــــــرات وبالـرابعـــــــة ون *** حـــدر القمر يا ما همس له وناجــــــاه وعيــــــونهم يــــــــاما بنوره تـــــلاقن *** والبارحه عدا على الذيب بعــــــــــــواه واقفت ظنونه بالليال يتعـــــــــــــــــادن *** مرٍ حوالينه ومرٍ تعـــــــــــــــــــــــداه ومر تضاحك له ومر يتبــــــــــــــــاكن *** هذي سواة اللي عن النوم قــــــــــــزاه طيف الحبيب اللي على خاطـــــره عن *** ان شافت عـــــــــيونه جـــــــمال تمناه وان صوت القمري لصوت الهوى حن *** الجارحــــــــه تجرح وتسري وتنساه وجــــــروح مجــــروح الليالي تساقن *** والخافيــــــه طعنـــــــة زمانه تمثناه والبينه عنهـــــــا عيـــــــونه يبوحن السحاب البعيد |
| الساعة الآن 02:31 PM |
Powered by vBulletin® Copyright ©2000 - 2025, Jelsoft Enterprises Ltd.
HêĽм √ 3.1 BY: ! ωαнαм ! © 2010
جميع الحقوق محفوظة © لأكاديمية العرضة الجنوبية رباع