ودي اكتب .. كم يرددها!! ولا شفنا كـتـابه = كم يقل ودي أقـول .. ولا يقــول اللـي يـبـيه
كم يقول وكم يقول .. وكل مافيني تشـابه = سمع ظامي سلسـبيل .. وعين خرسـى تحـتريه
صرت كنّي صخر في وادي ويتحرى مجـابه = سيل عارم ..بس عيّا السـيل ذاك انّـه يجـيه
هيه يا سيل الحروف اللي يدوّر عن اجـابه = فج صدر الصمت وارسم من قصاصاتك وجيه
أتعبتني تمتـمات الحرف .. واتعبنـي عــذابه = بـيــن احــاســيــس ٍ تبي تعلــنه لــكن تستــحيــه
أدري انّك قـادر ٍ تغرف مـن المعـنى ســرابه = وادري ان الحـرف خـيل ولا يضـيرك تمتـطيه
وادري انّك فيـك للكلـمة ظـمـا وانّـي شــرابه = والحـروف ادري بـتـسكـبني اذا قـلـت اسـكبـيه
وادري انّك مثـل بـــراق ٍ يخـايل في ســحابه = وانت تـدري بان جـدب الارض فيـني يرتجـيه
هيه .. انا باقـي هنـيّا وانتظر حضرة جنابه = وابـل ٍ يسـقـي جفــاف الفـكــر حـتــى يـرتــويه
أومن اقصى ليل فكرك لوبغيت ارسل شهابه = يا رَجم شيطان فكري .. ياحتواني واحتويه

وسلامتكم جميعاااااا



:icon31:

صح لسانك ملايين ياأجراس

بذخ شعري وصورشعرية راقية

هذا الشطر أدري انّك قادر ٍ تغرف من المعنـى سرابـه فيه خرق للعادة وكسر لقوانين الطبيعة توقفت عنده كثيرا

تحياتي واحترامي

الجميلة .. والعذبة .. بدوية ..


مرحبا هيل ..


صح كلك يالغالية

شاكرة لك عذوبة كلماتك ..


دمتي سالمة