|
يابنت فضلتك على باقي الناس 00000
هذي القصيده قلتها اليوم اتمنى تنال اعجابكم يـابنت فضلتك علـــــى باقــــي النـــــاس ميـــــر البــــــــلا والله ماتـــعــــرفينـــــي ويــش المحبـه غير تفـكــــير واحســـاس مابين هــوجاســـي ونبظــــــة حــنينـــي اسمـــك لمــع فينــي كمـا لمع الالمـــاس وطيفك مكانـــه بين رمشــــــي وعينـــي صحيح فيه اشكــال والــــوان واجنـــاس لكنهــــم فــــي حظــرتــــك غـــــايبينـــي اسمــك بقلبـــــي ماكتبتـــــه بقــــرطــاس يشهــد على جرحــــي وصرخــة ونينـــي تســـري بــي الاحــلام ياعـذب الانفـــاس وانتي بهـــا صــورة أمــــــل تحتوينــــي انتي دواء قلبـــي من الشــــر والبــــاس وانتـــي عـــــذاب بحبــــي المبتلينـــــــي يابصمـة الحاضر تـرى الحـــب نومـــاس مانهملـــه فـــي ذكريــــات الســــنينـــــي ودي اعترف لك واجعـل الــــــود نسناس واخــاف من كلمـــــه بهـــا تصدمينـــــــي يتحطم القــلب النــدي عــقــب الافـــــلاس يامــات والا عـــاش عمـــــــره حزينــــي هذا السبب عشتك خيــال(ن) وهوجــــاس واجرح فــــــؤادي قبـــل ماتجـــرحينـــــي ابغى العـــذر كلمــه من الـــراس للـــراس والسالفـــــه بيديــــك مــاهـــي بيدينـــــــي |
صح لسانك مدد بلا عدد
|
صح لسانك ياشيخ
اشهد بالله انك ابدعت صح لسانك صراحة كل بيت بقصيدة كاملة |
صح لسانك يامبدع
|
صح لسانك أبداع كما تعودناه منك
|
صح لسانك ياشاعر رباع
ابدعت وربي موفق بإذن الله ... لك مني أجمل تحية . |
اقتباس:
صح بدنك ياغالي وتواجدك اعتز به |
اقتباس:
صح بدنك ياصاحب المعالي وشهادتك فخر واعتزاز لي وتاج على راسي وكلامك داعم للابداع الذي لايأتي الا بتواجد النشامى امثالكم |
اقتباس:
صح بدنك ومرورك شرف لي لاعدمناك |
اقتباس:
صح بدنك ياابو عوض تواجدك واطرائك يشرفني لاعدمناك ياالغالي |
| الساعة الآن 10:26 PM |
Powered by vBulletin® Copyright ©2000 - 2025, Jelsoft Enterprises Ltd.
HêĽм √ 3.1 BY: ! ωαнαм ! © 2010
جميع الحقوق محفوظة © لأكاديمية العرضة الجنوبية رباع