ياناس بعض الناس مثل الببغاء=من غير وعي يردد اللي يسمعه
فكره ضئيل وفي مفاهيمه غبا=حتى ولو عنده شهاده جامعه
جرّة قلم يكتب حروف ويشتبا=مايدري ان الكذب ماله طابعه
جاهل لعهد الجاهليه ينسبا=كم غرّرت به واهومت له رابعه
نفسه قبيحه دوم وعليه الهبا=وفي ضحول الجهل دايم قابعه
على انحطاط المستوى عاش وربا=ونفسه من اوهامه وغيّه شابعه
تجرّع اوصاف الجهل منذو الصبا=والجهل ما كانت نجومه لامعه
ماقد فرق بين المثلم والشبا=ولا يدرك التمييز بين اصابعه
ومن العجب ينقد ملبين النبا=ويحسب الحيله الدنيه ترفعه
والى انكشف دنق براسه واختبا=لكن مصيره يحصد اللي يزرعه
ما قال سم ولا نعم والا جبا=ولا بنلقا من علومه منفعه

صح لسانك مدد بلا عددتصفيق
وهلا بنزفك الراقي قصيدة شامخه بشموخ كاتبها ورائع ماخطته أناملك الذهبيه من أبيات وإحساس صادق وبوح دافئ .. رغم المعنى وقسوة الحروف إلا أنك أخرجتها بصيغه جميله ومميزه كعادتك ...
ويسعدنى انى اول رد على القصيده

دمت كما تحب والله يعطيك الف عاااااافيه ..

[table1="width:95%;"]

الله يسلمك ويسلم راسك ياارب وانا الاسعد بتواجدي
والله انك صدقت والمشكله كثير هالنوعيه مع الاسف
بس انت جبتها صح فى القصيده طلعت كل الاحساس بقلب اي شخص يقراء القصيده وعبرت عنه بطريقه حلووه واكثر من راائعه

يعطيك الف عااافيه ويشرفني حضوري مره ثاانيه
دامت انفاسك وبوحك الرااقي
تقديري .../