الـــــــــــبــــــــــــدع=
الله يجزى من كساني بندقه بالخيـر كـل الخيـر=
بندقه بلجيك صنعتها جديـده والصفـر عمانـي =
تنجد الرامي وتطرح صيدة اللـي يقتنـص بهـا =
من يشاهد رميها يمدح محاسنها وهي ماهي لـه =
هذا غيـر أعجابـه بصنعـة حدايدهـا ولونهـا =
كم رميت بها ورميتها تبث أكبـر حجـر بثانـي =
ماتـقـول الا قنـابـل طـايـره لله درهـــا =
يوم أراد الله لزمت أبي وعمي قلـت أنـا رمـاي =
ومعي بندق وهـذي بندقـي ياحضـرة الرمايـه =
جربوها وأحكموا وأستنجدوا بالصانـع البيطـار =
قالوا وش ذالعلم خابت ليلتك ماسمعـك الا حنـا =
والرمايه خلها عنـد أهلهـا منتـه مـن أهلهـا =
لاتنافسنا وخلـك محتكـم ونحـن نسـد الـلازم =
وأن حضرت أوقف وشجعنا مع الصاحب والاجنبي =
ونحن من شان هرج الناس بنحطك مساعد رامي =
مانبي الا راحتـك ماغيـر جـب هـذي وودهـا =
وأثرهم لجل الرمايه يضفرون بمكرمـه ودراهـم =
وأنا عايش مثل الاطرش بل كما ربـي خلقتنـي =
ماغير أشجع والقط فالفشـك مـن غيـر فايـده =
الــــــــــــــــــــــــرد =
رزقي من الله لابطغـى علـى رزقـي ولابخيـر =
بحمد الله وأستعيذ من اللعين أن مر وأن عمانـي =
وأرتعد مالموت وحيود المقابـر وقـت نصبهـا =
سبحان اللي يمهل ولا يهمل ولاتنقطـع ماهيلـه =
يوم غيره مالبشر محدود لـو يامـر ولـو نهـا =
يمتاز الخالق عن المخلوق ماواحد شبيه الثانـي =
الخالق يسبغ علـى المخلـوق بافضـالاً يدرهـا =
والبحر كم قال انا غيضي في امواجي ومراً مـاي =
والنهر مايه حلو واما البحر معروف مـراً مايـه =
البحر محداً بيامن غدرتـه لـن هـاج ولا حنـا =
وبحور الجور ماحد يرتـوي مـن مـاي نهلهـا =
والبحر موجه يخيف الناس لن هاج البحر ولا زم =
والذي يامن شـرور البحـر لاحايـد ولا أجنبـي =
البحر موجه غضب ماهو مسلسل صاخباً ودرامي =
ماحسـب للنـاس لـو تكثـر محبتهـا وودهـا =
والذي غاصوا في أعماق البحر ماظنتي يدراهـم =
والصدف واللول والمرجان باقصى الداخل أقتني=
مايبي منحـه مـن السايـح ولا يبغـي رفايـده =