يااول محطات عمري واجمل ايامي=واعذب سنين العمر واحلا لياليها
ياالمنهل اللي روى به قلبي الضامي=يا سيّدي يا ملك روحي و واليها
حكمت ضلمً على حبي بالاعدامي=وانهيت كل العهود وما تباليها
من بعد فرقاك عيني دمعها هامي=والعين ماتبكي الا لجل غاليها
دنياي بعدك تتوّه كل الاعوامي=واهل المحبه من الفرقى مداليها
واحس في وسط صدري مثل الالغامي=ونار فرقاك كم قلبي يصاليها
يجي بطاري غرامك هب الانسامي=واتذكّرك كل ماهبّت شماليها
ويزورني طيفك الباهي في احلامي=يملا عيوني ونس من بعد خاليها
وتحتفل بك عيوني شوق واغرامي=وتزيّن الحفله ياحضرة معاليها
واصحى على هاجس الفرقى والاوهامي=وتزيدني شوق واحساسي يواليها
ذوّبت في سطر حبك حبر الاقلامي=واكتب على شانك اشعاري والاليها
محبتك تعتبر لي تاج و اوسامي=مهما يطول العمر ماني بساليها

شاعرنا القدير
علي السبيه

صح لسانك وسلم بنانك
وعلا شانك
ابيات تفيض عذوبه تتناغم بأحاسيس شفافة

حلقت بنا في سماء الابداع

ماشاء الله تبارك الله


وبإنتظار جديدك بارك الله فيك