يامن تسائلت عنّي كم بلغ من عمر=لو شفتني قلت هذا عمره الفين عام
فيني تجاعيد منحوته بكف الدهر=فيني علامات للحظ الردي والهيام
فيني تجارب معمّر رغم سن الصغر=عاصرتها من بداية عمري ابلا نضام
تحطّمت في مداري كل رحله تمر=وتشوف فيني ملامح من بقايا الحطام
في معمعة وقت مايوصل ضحاه العصر=والشمس عامت وغابت في بحور الظلام
والحظ الاقشر ملازمني بليا عذر=كسر جناح الصقر وازهق هديل الحمام
مايسعد الحال لا سيطر عليه الفقر=والصمت يشهر سيوفه في نحور الكلام
ازريت اجاري السنين الغابره والقفر=وازريت ازحزح مهمات الامور الجسام
ياحضي العاثر اللي في مسيره عثر=وطاح في غيهب اوهامه ولاعد قام
كسرت قلبي وكسر القلب ما ينجبر=والوصل من سبتّتك بيني وبينه خصام
سن الطفوله كساه الشيب ثم احتضر=كمله ينازع وموته بين الاجفان نام
هذا هو العمر نبذه موجزه من خبر=تبقى شواهد على واقع كثير الملام

الله يعافيك ياليل الوعد ولك مني خالص الشكر والتقدير

تسلمين يا الصمت الحنون والله يعافيك ومرورك اجمل من كل الجمال

تسلم يا صمت الرعد واشكرك جزيل الشكر على كلامك الطيب
واسف على التاخير في ردي عليك توجت قصيدتي المتواضعه
بمرورك الكريم وكلماتك الطيبه