يامن تسائلت عنّي كم بلغ من عمر=لو شفتني قلت هذا عمره الفين عام
فيني تجاعيد منحوته بكف الدهر=فيني علامات للحظ الردي والهيام
فيني تجارب معمّر رغم سن الصغر=عاصرتها من بداية عمري ابلا نضام
تحطّمت في مداري كل رحله تمر=وتشوف فيني ملامح من بقايا الحطام
في معمعة وقت مايوصل ضحاه العصر=والشمس عامت وغابت في بحور الظلام
والحظ الاقشر ملازمني بليا عذر=كسر جناح الصقر وازهق هديل الحمام
مايسعد الحال لا سيطر عليه الفقر=والصمت يشهر سيوفه في نحور الكلام
ازريت اجاري السنين الغابره والقفر=وازريت ازحزح مهمات الامور الجسام
ياحضي العاثر اللي في مسيره عثر=وطاح في غيهب اوهامه ولاعاد قام
كسرت قلبي وكسر القلب ما ينجبر=والوصل من سبّتك بيني وبينه خصام
سن الطفوله كساه الشيب ثم احتضر=كمله ينازع وموته بين الاجفان نام
هذا هو العمر نبذه موجزه من خبر=تبقى شواهد على واقع كثير الملام

حضورك يشبه العطر يفوح بعطره بكل مكان ويشبه سقوط المطر يفرح به الجميع لقدومه
يسعدنى ويشرفني معانقه القصيده الجميله
ابداااااع وحكم والحياه دروس فيها حلو وفيها مر ومنها نتعلم
بجد عجزت بكل الحروف والكلمات اختار مايليق فى الرد ولو بالبسيط لكن مااقول الا صح لسانك ويسلم احساسك وراسك والله عازف مميز ومبدع..
و ابيات تميزت بعمق الاحساس والشعور والنص الجميل والمشاعر الصادقه استمتعت بقرائتها اكثر من مررره
يعطيك الف عاااااافيه ودمت بفرح وسعاده ماتفارقك ويطول بعمرك يارب...
لك من الود والشكر والتقدير اجزله ...
تقديري ........//

كلام جميل بوصف شاعري رائع
لايجيده الا الكبار
غير مستغرب عليك الابداع
ولكنك تفاجأنا بافكار وتصوير شعري جديد
وابداع آخر

صح لسانك ملاييييييييين

سجل اعجابي

الله الله الله
صح لسانك ابيات يعجز اللسان عن وصفها ابداع يابوطلال

ياحـضـي العـاثـر الـلـي فــي مسـيـره عـثــر
وطــاح فــي غيـهـب اوهـامـه ولاعـــد قـــام