البدع:علي السبيه=
.=
اخبرك يا جبل راسي مكين الثبات=
ما يهزّك ولا يرزاك هب الرياح=
هامتك فوق توصل لا عنان السحاب=
وان لولا الجبال الثابته والرواسي=
كان مالت بنا الدنيا وراحت فنا=

الرد:إبن الجنوب=
*=
راوغ الخصم والقاضي طلبه الثّبات=
أشغل المحكمه ومدوّرين الرّياح=
أصلحوا بيننا ياأهل البشوت السحاب=
واللي قال اقطعوا غصن الجنا والروا سي=
ليته لاجت وفاتي مايرا حتفنا=

البدع:=
لا تظن الجبل كثانه وفاتفات=
الجبل في مكانه لاتقل فين طاح=
حتى صلب الدركتل ياجبل منك ذاب=
والله مايقربك بهلول وابو نواسي=
من بيقربك ناهب له لحد واكفنا=

الرد:إبن الجنوب=
*=
العن ابليس واصفح واللذي فات فات=
لان ماكل روسن تكتمل في نطاح=
وإن ماحد يحوز الفايده من كذاب=
أما تترك لنا الموضوع ياب ونواسي=
وإلآ لا تركن الدعوى لحد وأكفنا=

البدع:علي السبيه=
.=
العرفج في البلاد اليوم يولي نمات=
خاب من راح ساقه للتداويج راح=
كندرو المسقوي ماعد نشوف القصاب=
ماعدنا في البلاد اليوم ننحا الدموسي=
بعد كانت تجيب الخير وعلى جنا=

الرد:إبن الجنوب=
*=
كل راعي ضمير وجمّده لين مات=
جيت له بعد ماودّع تداوي جراح=
الميت مايحس لو قطّعوه القصاب=
وإللي ودّه يشاهدنا على حدّ موسي=
كيف يقرب لنا الوصفات واعلاجنا=