الصمت غيمه.. والحكي هتّان.. والبسمه بروق=
يعني قبل مانلفظ الكلمه لزوم ٍ نبتسم=
اللي يجي طيّب وصادق.. جيت له طيّب صدوق=
واللي يجي خاين وكذّاب أطرده برّا الحرم=
واللي يجينا شاهر ٍ سيفه نروّقه ويروق=
واللي يجينا ضيف يتفضّل ويبشر بالدسم=
الشعر له في خاطري ميزه وترنيمه وشوق=
يحتاجني مثل الورق.. وأحتاج له مثل القلم=
شاعر وعندي ذوق خاص ويختلف عن كل ذوق=
أرسم قصيده كنّها مخلوق من لحم ٍ ودم=
أكتب على كل البحور ..أعزف على كل الطروق=
وأمرار ياخذني الزعل .. وأمرار ياخذني العشم=
وأحيان أجي فظٍّ غليظ القلب .. راسي فوق فوق=
وأحيان يجرحني نسيم الليل وأحسّ الألم=
لاضاق صدري ترجف إضلوعي مع نبض الخفوق=
في وقتها حتى البشر مدري عرب والا عجم=
رغم الفروق الواضحه عاجز بتمييز الفروق=
واللي سألني : مايلاقي غير لا والا نعم=
في مهجتي برد وسلام.. وفيني آثار الحروق=
أغوص في عمق البحر.. ثمّ أرتفع 100 قدم=
كم شاعر ٍ من عادته يسرق ومن طبعه يبوق=
والناس قالوا : محترف جالس على راس الهرم=
يمديني أسرق مثلهم وأطغى على بند الحقوق=
مير البغال الحُمْر.. ماهي من خيول المعتصم=
*******

المشاركة الأصلية كتبت بواسطة متعب الدوسي (المشاركة 479983) الله الله صح لسانك وسلم بنانك

المبدع
صح لسانك وعلا شانك
وسلمت اناملك التي لا يتدفق منها سوى عطرا
ممزوج
بفيض من المشاعر والأحاسيس الجميلة
اتمنى لقلمك وبوحك
دوام التألق والتميز

المشاركة الأصلية كتبت بواسطة عاشق المها (المشاركة 480013) ياسلام .......ياسلام شاعر داهيه في كل مجال ماشاء الله تبارك الرحمن.... صح لسانك وعلا شانك على هذا الإعجاز الشعري الفريد من نوعه ...موفق بإذن الله ... لك مني أجمل تحية .

صح بدنك ياغالي ... وألف شكر على مرورك

والإطراء ..... لاهنت ولاعدمتك .. أرق التحايا

[table1="width:95%;"]

المشاركة الأصلية كتبت بواسطة لؤلؤة زهران (المشاركة 480696) المبدع صح لسانك وعلا شانك وسلمت اناملك التي لا يتدفق منها سوى عطرا ممزوج بفيض من المشاعر والأحاسيس الجميلة اتمنى لقلمك وبوحك دوام التألق والتميز

صح بدنك يالغاليه ... العطر هو تواجدك هنا

لاعدمتك منوووره ، شكرا" والله يعطيك العافيه