أكاديمـيـة العرضـة الجنوبيــة - ربـاع - وحنا هل العوجاء لنا عهد واقسام

يالله يامعبــــــود يارازق الطيـــــــر = ياعالما ســـــر الخفايا والاعـــــلام
حنا علــى بابك ألهـــــي طـــــوابير = ترحم قلوبا لا بقـــي لحد وعظــــام
نشهد لك انك واحدا مامعك غيـــــر = وحنا رضينا الدين والدين الاسلام
ياأمــــة الاســــلام مابــــــه معاذير = ندور الوحــــــده ولا نعيش بأوهام
أمه على التوحيد بيجي لها الخــير= لا جاء لها ظالم ولا فيــــــه منظام
نمشي مــع درب الهــدايه بتبصـير = والشرع يحكمها مـــع روح ونظام
الدين له فــي داخل القلب تقــــــدير = ودســـــتورنا ماخطته يـــــد بأقلام
تــــراثنا واضــح ولا جاه تغيــــــير = والســــنه تفسير المعانـي بالاحكام
ما نـــرتضي فـي مملكتنا بتكـــــدير= أرواحنا تفـــــــداك يادار الاحــــلام
نعــيش فـــــــي دارا بكل المعـــايير= متعليه فــــــوق الاراضي والاعلام
دارا لكل الكــون مــــركز وتنـــوير = ربـي اصطفاها من ملايين الاعوام
منبع هدايـــه ماسكن فيــــه تنصير = أمـــــه لها تاريخ بالحب وســـــلام
مكــه ويثرب مآخـــذه كل تطـــــوير = تستقبل الزائر ومن جاء بالاحــرام
نهضه تســر العين مع كثـــر تعمـير = هي تحتضن سيد البشـر خير الانام
يادولة التــــوحيد دار المشــــــاهير = ياعــــــزوة المحتاج لا حلــة الطام
يادار أخـو نـــوره حكمها بتـــــدبير = وحد شتات الشمل بالقول وحســام
عبــــــدالعزيز اللي ملكها بتكـــــبير = خلي قليل البخت يدعــــس بالاقدام
شعبه يبارك له ولا خالف الســــــير = مــن كان يعـــبد قـــبر والا بطلسام
سعود جاء من عقب صـقر الطوابير = شــــيوخنا قدوه لنا وقت الاقـــــدام
فيصل بنى ساسا مع حسن تســطير = وانتج لنا صوره على يــد رســــام
في عهد خالد ما مضى شعبه الضير= تفــــوح داره ريحة العـــود وخزام
بو فيصل اللي حط للحـــد تمتــــــير= فـــهد طويل ايمان للخصم لطـــــام
يــــوم انتخاه الجار دق المــــزامير= وارســـل مناديبه نصيحه لصـــدام
عيى يطيع الشــــور يوم جاه تحذير = لقي عقابه واندمــــــر تحت مردام
رجــلا خذ الحكمه مع الشور ويدير= حكمه على ديــــــرة مراجل وحكام
عبـــدالله الحاني على اصغير وكبير= رجلا يحل المعضله بين الاخصـــام
سلطان لا ناظـــر بوجــهــه تعابير= تجلي همـــوما مستكنه بالاركـــــام
حنا بنحمي الــــدار من دون تقصير= ارواحــنا للحـــرب تــنقاد بخطـــام
حنا تــــــــرانا ما بنــــرضى بتكفير= للمسلم اللي طـــــاف بالبيت ومقام
حنا دعاة أصـــــلاح ما هوب تقتير= أمة صفاء ما تنطوي تحـت الابهام
الامر بالمعروف له حســـــن تفكير= والنهي عن المنكر تعــــداه من لام
والا فبعض الفكر مفضوح تــــزوير = وآنا اعتـــبر راعيـــه كــــذاب نمام
يا مدعي الاصلاح ياصوت شـــرير= يامـــدور الفرقاء بــربعه والارحام
ياحيف ياذا اللــــي ينادي بتغــــرير = يبحث عن الفتنه منادي بالاجـــرام
نسقي جذوع النخل وارعى المغاتير = نبني مع الباني ولا نرهب الســـام
يادار نحمـــي حدنا بالميازيــــــــــر = وحنا لبيت الله جنــــودا وخــــــدام
يادار لا نامت عيـــون المســــاهير = حنا قساة الروس والقلب عـــــزام
حنا ترانا الطيب لاجاء مشـــــــابير = وحنا مع أهلا الجود فــي كل الايام
وحنا من اهـل الخير وقت المسايير = وحنا هل العوجاء لنا عهد واقسام
وحنا حفظنا السر في قاعــة البير= وحنا تطـــــــورنا وحــنا هل اخيام
وحنا ترانا السـم في حــــــزة الغير = وحنا ســـــيوف الحق يارافع الهام
وحـنا نرش الطيب يانافــخ الكيــــر = وحنا لنا منطـــــق مع كل الاخصام
وحـنا رقينا الضلع ياناقع الزيــــــر= نســــهر ليالا ســــود والقلب مانام
وختامها يامقـــــــــدر الرزق تقدير= يامطـــهر المسلم مع حـــج وصيام
صلوا على الهادي بحسن التعابير= هو سيد اهل الكون في عالي امقام