شف كيف أحبك..ليتهم يتعلمون العاشقين=
رغم الذي سّويت فالمبدع..بروحه يفتديك=
شف كيف دمعاتي تحدّر دمعتين ودمعتين=
شف كيف طعناتك بقلبي واضحه هذي وذيك=
شف كيف بالرغم إن قلبك يضمر الحقد الدفين=
تسرقني الأشواق من غيرك وتاخذني إليك=
غابت نجوم الليل عنّي....والقمر عيّا يبين=
ملّيت من قولة عساك بخير والشّر مايجيك=
زعلان قلبي منك..مير الشوق زايد حبتين=
وش الذي يمنعك ماتشبك يديني في يديك=
والبارحه وقت السحر صليت لله ركعتين=
من بعد ماعذبتني واتعبتني واحترت فيك=
تخنقني العبره ولا ادري كيف كمّلت آيتين=
عيني على وضع السجود وقولة الله يبتليك=
لكن مدري وش حصل من ساع حطيت الجبين=
دعيت لك بالعافيه وانا بغيت ادعي عليك=
******

المشاركة الأصلية كتبت بواسطة متعب الدوسي (المشاركة 477541) الله الله حسبك الله ياشيخ صح لسانك ملايين على هذا الرااائعه وسلمت اناملك وحياك الله من جديد بنتظار جديك لاتحرمنا من ابداااعك

صح بدنك ياغالي وألف شكر على المرور والترحيب
لاهنت ولاعدمتك .......

المشاركة الأصلية كتبت بواسطة مشهور (المشاركة 477584) شكر وتقدير باسمي شخصيا واسم سعادة الاستاذ صقر الجنور ونيابة عن اعضاء الادارة العامة لمنتديات رباع نشكركم على مشاركتكم هذه ونتمنى لكم مزيد من العطاء في كل ماتقد موه لمنتداكم من عمل مشرف ونتمنى لكم دائما التوفيق والسداد رئيس مجلس الادارة والمدير العام مشهور

المشاركة الأصلية كتبت بواسطة عاشق المها (المشاركة 477771) الله الله يالمبدع ...رائع في جميع أحوالك ... صح لسانك يالنشمي على هذه الرائعه ...

صح بدنك .... وألف شكر
لاهنت ولاعدمتك

دعيت لك بالعافيه وانا بغيت ادعي عليك
صح لسانك والله اعجبتني هذي القصيده بشده سجل اعجابي وكثر لنا منها هذي القصايد
تقبل مروري واحترامي

المشاركة الأصلية كتبت بواسطة فهد قزعه (المشاركة 478196) دعيت لك بالعافيه وانا بغيت ادعي عليك صح لسانك والله اعجبتني هذي القصيده بشده سجل اعجابي وكثر لنا منها هذي القصايد تقبل مروري واحترامي