ياسيدي لو رماني حظّي العاثر=جيتك وكلّي شعور إنك تواسيني
أهم شي لا تقل لي عافك الخاطر=خذني بفايض حنانك لا تعزّيني
ترى خويّك خوي لا تحسبه داشر=لكن صكّات بقعا مثّره فيني
أدوّر القرب يوم الناس تتنافر=أضوي شموعي لغيري واحرق ايديني
اراعي اللي ينام بطرفي الساهر=وإن نمت ماحد على باله يصحيني
اذبح سمان الجلب لو مابه مصادر=وانكان سيّرت ماحيّن يقهويني
ياكم سمحت الخطا والدم يتناثر=وانا اقدر ارد لاهل الصاع صاعيني
ماخذت من عالمن تحكم على الضاهر=ماتهت بين البشر عقلي يقدّيني
انكان راعي الدجل في وقتنا شاطر=انا غباي اعشقه لانه مكفّيني
ياسيدي لا تعذّبني وانا صابر=أما اقطع الوصل وإلآ أجيك وتجيني

ابن الجنوب
يسعدني ويشرفني ان اكون او من يمر ويستمتع بأبياتك العطره
حروف وكلمات قمه الروعه والاحساس
صح لسانك
بنتظار جديدك المشوق
ودي واحترامي