يا حلو لا عاد تتغنّى بطاري الحب=الحب روّح زمانه وانتهى وقته
تعال لا مجلس انغام السمر واقرب=نعيش لحضاتنا المفتونه انا وانته
نضحك ونرقص وفي جال الدلع نلعب=نفلّها لين ليلي ينفجر صمته
واسهب لك المدح والحلوين ما تنسب=انت الحلا والغلا وانت القمر واخته
ونزوّد النار في جمر الهوى وانْشب=وكلما قام يطفي الجمر حرّكته
وبارد الشوق في حضن اللقاء يلهب=وساهي الطرف ياالمزيون نبّهته
وابيح مكنون قلبي والهوى يغلب=في مجلس اهل الهوى سر الهوى بحته
ما دام خمر التلاقي ياالغضي يسكب=اسكر على ريحته لو كان ما ذقته
ترى ليالي الضنى عاقر ولا تنجب=والشوق ما رد لي رجواه لو سبته
والعمر لحضات معدوده لها نحسب=ماعد يطري لي الاشواق لا شبته