|
%%% (( إهـــــداء إلى أبـــــو طـــــلال )) %%%
مساء الشعر والشعراء .. وكل عام وأنتم بخير .. الشاعر الكبير / علي السبيه شاعر الأكاديميه والأسم الأبرز أتمنى منك قبول الهديّه المتواضعه وأُشهد الله على محبّتك فيه ومحبّة الجميع ... والحقيقه إني فقدت وجود أبو طلال وطلع معي كلمتين أتمنى أن تنال ولو الشي اليسير من مقام شاعرنا الكبير .. البدع : الزيادي= ***** الزيادي قال : مايخفى عليّ الرمز والشّعار= أعرف اللي نيّته للحج .. واللي نيّته للعمره= ناس تتمعرف .. وناسٌ مالها قُدره ومعرفه= والقلوب اللي تكايدنا نعرّضها لكاديميّه= لو يضيع الحَقّ .. والظالم تعملق .. وأنحنى الطَلاّب= والوجوه اللي ضرّيت بالنفاق آهب لها وشّيمه= أمر ربي من سعه .. وآمُرّ من سهلٌ ومن علي= والذي يطلق جُماله ماترقّبها ولا هومنها= قبله النمر الذي يخلف علومه من تجمّله= الفتن ماتنبغي .. والناس تلمح للتلف والمعنا= غير ربي ماحداني وأنصر المفتن وأمير القاف= والنجوم الظاهره والغايره عندي لها متنبّي= راسٌ أظلّله لايفنا .. وراس أحسّنه حسّان= والزمن يجنح بنا للمستحيل بلعبته وشتاله= والليالي .. ماسهر لين الصباح الا عليلها= ***** الرد : الزيادي= ياسلام الله على شاعر حكيم وخيرة الشُّعار= والله ماهو نقص فالباقين كلٌّ يكتمل في عمره= كل شاعر في رباع أقدّره لو كنت ماأعرفه= غير يبقى بو طلال أبرز شعاعير الأكاديميّه= والله إنّا نعتبره أكبر معلّم ونحن الطلاب= فيه الأخلاق الحميده .. والتواضع .. والوفاء والشّيمه= ماخبرت الناس قالوا جايت الزّلات من علي= جاره الله بو طلال .. الزّله ماهي له ولا هو منها= مايجيب الا جِزال المعرفات اللي تجمّله= فارس الميدان .. دكتور القصيد ..أستاذ شعر المعنى= أسطورة بيت المثل .. موسوعة الإبداع .. أمير القاف= أمرؤ القيس ..الفراهيدي .. زهير .. النابغه .. المتنبّي= الفرزدق .. بو العتاهيّه .. جرير .. البحتري .. حسّان= مثل ماقيل الجمل سمحان لا جار الحمل يشتاله= ماتصير المعرفه كُبْر الجبال الا علي لها= ***** |
ياسلام ياسلام صح لسانك ونعم المادح والممدوح وابوطلال يستاهل ومن خيرة شعار المنتدىوالمعروف بالاخلاق الحميده الله يرده لنا بالصحه والعافيه تسلم يالمبدع |
تحياتي لك يالمبدعـ
وجمال القصيده بجمال قايلها اخوك ابو ح س ن |
الله الله صح لسانك ياالمبدع على هذه القصيده الا اكثر من رائعه وانت ايضا دكتور
وعلى ما يحتاج ما مدحت الامن استاهل المدح بارك الله فيك وفي علي وهذا هو كلام الشعار |
صح لسانك وما مدحت الا معلم وافي انته تقدر وهو يستاهل
بيض الله وجهك والله يعطيك العافيه |
اقتباس:
صح بدنك ..... ولاهنت وافي يابو رنيم .. ألف شكر والله يعطيك العافيه ..... |
قصيده جزله في رجل يستاهل ونكن له كل الحب والتقدير صح لسانك يالزيادي ويسلم راسك |
اقتباس:
وتحياتي لك ... الجمال جمال حضورك لاهنت ألف شكر والله يعطيك العافيه......... |
صح لسانك يا شيخ ابو طلال يستاهل العلم الغانم وانت تقدر يا زيادي |
صح لسانك وبيض الله وجهك ياشاعر الابداع انت شاعر كبير موهبة واخلاقا وابو طلال يستاهل المدح ومهما نشكر فيه فلن نوفيه حقه علينا فهو من مؤسسي الاكاديمية ومن مبدعيها واساتذتها الكبار فبيض الله وجوهكم جميعا وسيتم ارسال هذه القصيدة لابو طلال حبا وكرامه ..
|
| الساعة الآن 04:26 AM |
Powered by vBulletin® Copyright ©2000 - 2025, Jelsoft Enterprises Ltd.
HêĽм √ 3.1 BY: ! ωαнαм ! © 2010
جميع الحقوق محفوظة © لأكاديمية العرضة الجنوبية رباع