|
قصيده وين أنـــــت.....؟
يكبر قسى جرح السنين ويعني رجل الحزين اللي على حد الإدراك هذا أنا يوم أخلف الوقت ظني الحزن حزني والسوايا سواياك بكيت وأبكيت العيون وبكني تعال شفني كل ما حان ذكراك كم واحدٍ جاني بعدك وسألني شخبار من حبيت وأقفى وخلاك؟ وأصد والحزن الخفي ممتحني وأن قلت منهو قيل ماهوب يخفاك قيل العوض قلت العوض ما شحني والله لا هذا ولا ذا ولا ذاك يا ما بعضهم مرني ما فتني يا جعل ماهم بالعوض في محياك الله لا يجبر عزا من عذلني ما جاه ما جاني ولا جاه ما جاك واللي عذل ويقول (لو و لو أني) جعل يعشق له واحدٍ كنه إياك ما فيه شيٍ في حياتي غبني الا نهار أقفيت وأنا أسمع إبكاك الله من جرحٍ قديمٍ مكني أمداك نزفه لكن ادواه ما أمداك عليّ كم جار الزمان وطعني أسمع صدى صوت المعاليق تنخاك وين أنت ياللي كل ما غبت كني واقف على باب الأمل وأتحراك ليتك تعرف تخون وأقول خني على الأقل القى سبب وأتنساك وليت الزمن فمحبتك ما خذلني وليت الهجر من طيب خاطرك ورضاك لو أن قربك والوصل بالتمني ما غبت عن عيني كثر ما اتمناك خايف يطول البعد وتسج مني وياخذ مكانك شخص ماهوب يسواك وش عاد أسوي يومك أقفيت عني لا أنا أتبع المقفي ولا أحب فرقاك |
الله يامهرة الله يرده لك انشاء الله تلقينه هههههه هههههه
|
تحيــــــــــــــــةمهرة عتيبة لك التحية
والف تحية كل القصيدة وما جاء فيها جميل كجمال العتيبيات مشاعر واحاسيس مندفقة وفائرة بالدلالات نابعة من الاعماق تشير الى حالات يمكن ان تحدث.... ولك مني ليتك تعرف تخون وأقول خني على الأقل القى سبب وأتنساك وليت الزمن فمحبتك ما خذلني وليت الهجر من طيب خاطرك ورضاك لو أن قربك والوصل بالتمني ما غبت عن عيني كثر ما اتمناك خايف يطول البعد وتسج مني وياخذ مكانك شخص ماهوب يسواك وش عاد أسوي يومك أقفيت عني لا أنا أتبع المقفي ولا أحب فرقاك |
يعطيك العافيه ياصمت الرعد
|
يعطيك العافيه
|
| الساعة الآن 06:05 AM |
Powered by vBulletin® Copyright ©2000 - 2025, Jelsoft Enterprises Ltd.
HêĽм √ 3.1 BY: ! ωαнαм ! © 2010
جميع الحقوق محفوظة © لأكاديمية العرضة الجنوبية رباع