|
فكره جديده نبيكم تساعدونا حتى نعرف الحق عند مين يا ((الشايب او الولد))
هذا عِراك بين الشايب والشباب اتمنى يعجبكم ومن كان له رغبه في المشاركه بردود فاتمنى لويكتب قبل الرد اسمه المستعار والرد على لسان من (الشايب)او(الشباب) طبعا فيه بعض الاعضاء يوقف في جانب الشباب والتجديد والتغيير والموضه والحضاره والتطوروما الى ذلك وايضا بعض الاعضاء يوقف بجانب الشايب والحياه القديمه والنفوس الطيبه ورعي الاغنام والتمام الجماعه وغيرها الكثير ما ودي افسد المتعه بذكر هذه الاشياء لانها لوتجي بقارعه تكون بقمة الروعه واتمنى من المسؤولين عن هذا القسم في نهاية القرعه ان تغنى هذه القارعه بصوت جميل وتوضع في المنتدى حقوق واصدارات حصريه ل(رباع العالميه) ولكم كل شكري وتقديري موضوع بطريقه جديده وممتعه نبحث عن التغيير في ضوء الابداع والإمتاع البدع:اسيف الكلمات الشاب يقول يلا لاله لا لا له يلا لا له لالالال سالت على خدك الطيات ولها مجــــــــــــال طالت عِناق البشر واعلت عناق الجمـــــال تُرقب وفاتك على طبيعتك خلــــــــــــــــــها اكسوه ثوب الكفن بالعـــــــــين رومقتلـــه الرد:اسيف الكلمات الشايب يقول جال في خاطري هاجس من الهم جـــــال على صهاوي الخيول الحان حب وجمـال ضميرك الحي مات الله يغفرلـــــــــــــــها اعطوني الضو الاخضر واحضروا مقتله |
اسيف ... شكرا لحماسك الملموس في هذا القسم اخي الكريم كمااسمح لي بان اطرح فكره بان اي عضو يشارك يختار شايب او شاب ويستمر في الموضوع الى نهايته ولا يغير بينهما توضيح : انا راح اختار الشباب واتكلم بصفتهم لذلك لا يحق لي البدع او الرد على لسان الشياب البدع : الشباب حنا شباب التطور والفكر والكمال ناخذ من الماضي الشي الصحيح الحلال وش فيه لو بدلوا بطن الحصى بزلها ديباج يبري عظام اللي يجي يرقى له |
ياسلام ياسلام موفقين |
تسلم لي ابو عابد الحديبي وفكرتك في محلها اتمنى تتنفذ حتى لا تتعارض وتتناقض الافكار من نفس الشخصيه لك شكري وامتناني وصح لسانك |
انا يا جماعة الخير راح اكون معارض لاخوي عبدالله واتقمص شخصية الشايب واتمنى من الجميع المشاركه وجعل السعد فالكم البدع:اسيف الكلـــــــــــــــــمات:(الشايب) اسمع الهرج من جَـــــــدك بليا عتــــــاب كانت الدار جَنــــــــــه نعرف احولــــــــها واليــــوم ما عاد يلقى واحــــدِ صاحــــبه ماهي سعـــــاده تغيب العين عن جفنـــها |
الـــــــــــرد : تاب من هو طلع للهـول والضلــع تاب جيران فالبيـت ماتنشــد عــن احوالها ابنتفق فالـذي قد قلت ..من صاح به القطع ماضي وشوف ابليس قد افنها |
حياك ابو عابد الحديبي لا يكون بتستسلم من الحين ما بعد بدينا هذي بس تمارين اللياقه ما بعد بدا اللعب بعد الشغل الواكي جاي بالطريق البدع:الشايب:اسيف الكلمـــــــــــات والله لولا تراثي ما عرفت القصـــيد وانا احفضه للولد والا لشيـــــــابها والريف حتى الرباع ما يجيله مثيل ساهر يراقبك لا تزيد دعســـــــاتها |
ماني مستسلم بس انت تكلمت عن القطيعه وهذي مشكلة في الماضي والحاضر وانا ذكرتها فالقصيده :
القطع ماضي وابليس قد افنها الله يصلح الشان . واذا على التمارين فلا تخاف خويك مدرب ومحترف وميداني .. استلم الرد : جبتــــوه لكن مافزتـــم بقصـــد القصيد ابياتكــــم التحـــت واشـــوف شيابهــا انحن محل اختلاط الفكر واصل المثيل واللــي رديّـــه نوينـــاها بدعســــاتها |
اشوى قلت لا يكون انك بتهون
كذا عجبتني هدي السرعه ترى المشوار طويل والجرح كايد بالحييييييل البدع:الشايب كلامكم في القصايد بارد ما يضـــــام مهضوم حلوه ومُره علكبد شي سام كنه كلام الصحف والا كلام الكـــتاب لا يسمن اليوم دفتـــرها ولا شيبهــا |
صحت السنتكم يا المطاليق الفكرة رائعة والمحاورة اروع بتواجد مبدعينا
|
| الساعة الآن 09:40 PM |
Powered by vBulletin® Copyright ©2000 - 2025, Jelsoft Enterprises Ltd.
HêĽм √ 3.1 BY: ! ωαнαм ! © 2010
جميع الحقوق محفوظة © لأكاديمية العرضة الجنوبية رباع