لافاض همك من على حد الاقـــواس=وبين اربعة جــدران خـــلاك تهرج
ومرارة احساسه محت حلو الاحساس=وادرج ظنون الفكر في سوء مدرج
واحترت منه وصــرت في قــمة اليأس=وكثرت دروبك بس من دون مخـرج
انهض ليامن حارب النوم هوجاس=واوقف على سور المنيبين وادرج
وإرفـــــع يديك لمحصي أعداد الأنفـاس=اللي فطر شمس(ن) توهج وتسرج
اللي أحاط بعلمه أسرار الأجـــــــناس=وله صادق الدعوات تسري وتعرج
وأذكر ذنوبك واعترف خاضـــع الـراس=ببحور زلات (ن) تلاطــــم وتمـــرج
وأطلبه نظرة عطف تغني عن الناس=تغنيك عن موقف من الذل محـــرج
أصدق مع من يـــــــذهب الهم والـــباس=وغمض عيونك ثم فتح وتفــرج

ذي يزن
يسرني ان اكون اول من يمر على ابياتك العطره
صح لسانك وعلى شانك وسلمت يداك

أرق تحية يالغالي...

حياك الله مقالي آآآنست وشرفت

أسعدتني بحضورك

تقديري

ذي يزن

معك نرتوي شعراً وإبداعاً

أنت سحااابة شعر ... وصدورنا صحاري .. وحروفك هطول

كل الشكر لك .. ولفكرك .. ولحرفك .. أستاذي

ذي يزن
صح لسانك واعتلا شانك مبدع ويشرفني ان امر واعلق على شاعر بوزنك وحبيت استفيد يالغالي منك واستفسرعن هذا البيت
وله صادق الدعوات تسري وتعرج
الواو لو حذفته ماهو امكن بحيث تكون
له صادق الدعوات تسري وتعرج
ولاتعتبره نقد ربما اضفته بالخطأ وربما انا مخطئ
وتبقى استاذ وانا استفيد منك يالغالي ومن شاعريتك وتقبل مروري وودي واحترامي

الله .... الله .... الله

قصيدة ... مميزة بكل ما تعنيه الكلمة

متكاملة بمعناها ... و مبناها

فيها إبتهال للعلي القدير .. و رجاء .. بمن لا يخيب من الرجاء به

أجدت يا شاعرنا المميز ذي يزن .. و أبدعت ... و تميزت

صح لسانك و دام هطول أمزانك

هلا وغلا بشاعرتنا , صح الله بدنك وسلمك , اسعدتني بمرورك العذب وبطيب مشاعرك