ما دون السبعة أبيات لا يعتبره أهل الشعر قصيدة
ولكل ٍ منا أبيات يتمية لم تكتمل يوماً
بعضها مُلقى في الأدراج بين الرفوف في الجامد من الأوراق
وبعضها لا ينفك يعود بالذاكرة ويحاصر الحضور
وبعضها يمتد للروح لجماله فيما نحتضن النرجسية فيها ونخرس ألسنتنا عن أحقية التكملة

وربما وجودها منفردة أجمل
فهي لا تريد الاكتمال لأنها مكتملة

أبطلبك يا صاحبي وأترجاك = يكبر بعينك صاحبك لو تدلع
عله كما نجمن تعلا بالافلاك = طفل ابدوين بالقصايد تولع
يكتب حروفك ويتهجا ويقراك = ابداع في كل الزوايا مضلع

لا تعاندني ولا تشره على حبر الكتابه = القلم ما فيه حبر وكل أحاسيسي تشابه
يوم ناديته على بيض الصحايف وأحتميته = قام ينزف كنه الهمال من وجه السحابه

الشمس حيه وأنت يا صاحبي حي =شعاعها ما ينحجـــــــب لوتوارت
لو جابو المهره من الشام ودبي =تاصل بلا مهره اليا الرجل سارت
تعشق سنا الفضه ولا تاكل الني =شعاعها مثل الذهب لا توارت
تعكس سناها لانطوت بالسماء طي=رمز المعزه رمـــــــــزها لسْتــــــنارت

يا مختفي عن ناضري حارت شفاي=قلبي وعقلي محتريـن لجنابـك
من غيبتك ضيعت انا كل ممشـاي=امشي وتقصر خطوتي عند بابـك

أنشهد إني يوم جيـت أعبّـر=من شين ما ابي خاني تعبيري
قلبي مع اعذاره جلس متصّبر=ابنتظر وانشل بـي تفكيـري

في حضورك يشّرق الحكي بشفاتي=مايبي غيرك يشوف الشوق فينـي
يستهل بصـادق الـود أمنياتـي=ويتقهوهـا غـلا بينـك وبينـي

تدرون منهو عاشق الشمس والغيم=شعرن عسفته من معانـي فريـده
لامـن كتبتـه قـال لبـا ترانيـم=والبي احساسه وانا بـه سعيـده
واسقيه من هتان نزفه كما الديـم=واكتب من حروفه معاني قصيـده

فــي هــدوءك //وانــت وحـدك....كـان بــه حـــدْ
...بين ركنك ......وانكساراتك //وبوحك..
غـــرّقـــه دمـــعـــه// ووسّــــــم ...شـــاحـــب الـــخـــدْ..
....وانـــت تـــروي... قـصــة الطـفـلـه// لـروحــك

يا صاحبي شفني من الهم مخنوق = ومن ضيقتي لو كنت تدري تضايق
مره من الدنيا ومره من الشوق = ومره من الصدمه بوجه الحقايق
أطرد سراب وكل مطرود ملحوق = لين أصبح احساسي وهمي شقايق