البدع: شدا الشامي=
*
قال بن قثرود من ضيقه على صدره ومن ساقوم=
مثل موج البحر يوم أرتجّ .. قلبي لا بدى منه الرّج=
وش رمال الجرهديّة .. والسواحل وش ترابها=
كلّما تبدي عليه الشمس يتبخّر وكبّر عِينه=
كنّ إشعّتها على متنه جدايل طايحه وشعور=
والبواخر فوق موجه ساعةً تهدأ وساع اتخاطر=
والشاعر رُبّانها عوّض محاريفه بخاطره=
البلاء والشّر والموت المصيري والهلَعْ والجُنْ به=
لا تصغّر لي علومك .. وأنت قبلك شاعرٌ فيعام=
مهما حلْويت البناء .. فأنا أبصره عادي بناء يبه=
**
الرد: شدا الشامي=
*
قوم ياقلبي وعزّ الله مقامك .. قوم وأنسى .. قوم=
الصّلاحية معك وأضحك وهرّج لا بدى من هرّج=
صاحب العين الكريمة لا تقل له وش ترى بها=
نظرته ماجاوزت عن حدّ خشمه .. لو يكبّر عينه=
والذي سدّه ودونه عُور .. والله أكرمك وش عُور=
خلّك مثل العود سمحان إن تهدّر من وساعة خاطر=
يبرك على الشوك والحيّات ماحزّت بخاطره=
خلّ عنك النملة السوداء بعد متعلّقه في جنبه=
يا لطيف الحال يا نملة تجمّع رزقها في عام=
جمّعت لقمة جمل .. وأشتالها العادي بنايبه=
**

الله لايضرّك ويحرسك
وزيادة الله يهولك
ما انت عادي
صح لسانك..ههههههههه..
اشهد انك شاعر سامي بقامة شدا الشامي
اعجابي وتقديري

الله الله
صح لسااااانك يا شدا
تعبنا وأنحن نقل صح لساااانك
الا نفروووو بك

صح لسانك ولاهنت
أنت أشلون قدرت تشوف النمله المتعلقه في جنبه ههههههههههههههه
حسبي الله عليك ضحكت من قلب
تحياتي وتقديري
ترانيم

حسبك الله يابن قثرود
ههههه ههههه
صح لسانك رائع ومافيك حيله