ياطول ليلي بين الآهات وآهات=أردف ونين ولا في اليد حيله
والناس من حولي عذول(ن)وشمّات=واللي يواسيني يقل ياحليله
انكان حظي ماحضر في المهمات=جعله يموت ولا يعيّن قتيله
حياتي القشرا عدّوة ملذّات=ماعندها لافراح قلبي وسيله
بنيت للعالم قصور(ن)مطلآت=على حدايق مثمرات وضليله
وانا كما اللي داخل السجن مامات=لاحدن شهد ضدّه ولا اخلوا سبيله
وإلآ كريم بدار ناسن(ن)مخمّات=ترحيبها نقصان لو زاد قيله
الله ولا رجوا القلوب المصدّات=والله ولا حبّ الحياه الذليله

حبيب قلبي ابو سالم رفقا" بالقوارير ههههه صح لسانك لين ترضى ياغالي

ولاهنت ولا هان منطوقك .. ولا تحرمنا يارجل من الكلام العذب يعطيك العافيه

صح لسانك يابو سالم وجارك الله من الاهات
انت عندك الماء والخضره والوجه الحسن وتقول كذا
وحنا ما عندنا الا صحراء الربع الخالي والدهنا والنفود وش نقول ههههه

شاعرنا القدير ابن الجنوب
أسعدني تواجدك هنا بقسم النبطي
حياك الله مجددا سعداء بك وبإبداعك المميز
تقبل تحيتي وتقديري ودمت بود
تحياتي
ترانيم

الله الله يابن الجنوب

صح لساااااااااااانك ملايين

ما عليك شرهه .. مصادر الإلهام كثيره عندك في جنيف

وش رايك تنقز لين النمسا .. وتعطينا قصيده ثانيه ؟

لا تحرمنا من إبداعك في هذا القسم

ابن الجنوب
عانقت الغمام بهذه الرائعه
صح لسانك ملايييييي وجاد بيانك ولا كُسِر بنانك
تقبل ودي وردّي وتحياتي