|
نامت أنوار المدينه .. جديد الهجير
إن مرًيتم .. مشكورين .. وإن طنًشتم معذورين يإختناق الشوق والإحساس وأنفاس الأماني=يا ضجيج الصمت في صدر الممرات الحزينه يا صدى صوت الحزن لا عاش في صدر الأغاني=يامن أصبح سالفة عشاق في صدري دفينه يا رياح الغربه أغصان الرجوع اللي تعاني=لا يعيش الشك بين البحر وشراع السفينه زارني حزن إبتعادك وأحترمته يوم جاني=وقمت أقبًل في جبين الحزن وآقبًل يدينه يا رحيل العمر لو تزرع بصدري عمر ثاني=كيف يتنفس محبه بعدما راح أكسجينه يا مخالب يأس في صدر الشوارع والمباني=ليه صحيت الظلام ونامت أنوار المدينه يا عطش حزن السنين اللي شربني وأرتواني=ما درى إن إحساس صدري والمشاعر مرتوينه يا عبث سطوة سيوف الصد في حدب المحاني=خل شرياني عشان أسقي جذور الياسمينه كن حزن الكون كله ما يعيش الا عشاني=يرتوي من دمع عيني وأرتوي من دمع عينه ذكرياتي طيفه اللي ضم صدري وأحتواني=والعطش والجوع والقضبان والروح السجينه بس أنا عندي سؤال إجابته هزت كياني=صرت أخاف الليل ؟ والا الشمس فرقاها غبينه؟ والله إني كل ما ضاقت بي أنفاس الأماني=صرت أدور للأمل بين الممرات الحزينه |
صح لسانك على هذه الدرر وهذا الابداع المنقطع النضير
|
والله إني كل ما ضاقـت بـي أنفـاس الأمانـي صـرت أدور للأمـل بيـن الممـرات الحزينـه ..................... الهجير صح لسانك وسلمت يداك ابيات قمة الجمال والمعنى كالعاده متمز بكل ماتفيض به قريحتك الله يعطيك العافيه |
باقة ورد
بس أنا عندي سؤال إجابته هزت كياني =صرت أخاف الليل ؟ والا الشمس فرقاها غبينه؟ ********* صح لسانك يا الهجير |
الله الله عندما نقف أمام هامه شعريه يسمو بين طياتها الحزن المتسربل بالخيال حتما سنقف اجلال لهذا الهمس الذي يسطر أروع ما قيل في الشعر إحساس ليس كاي إحساس إنه يعانق الجمال بروعته هكذا فليكن الشعر عندما أقرا قصيده مذيله باسم الهجير حتما أتوقف لبرهه من الزمن لانني متأكده بأنني سأقرأ شعرا دام حرفك النابض ودمت بود تحيتي وتقديري ترانيم |
اقتباس:
هلا وغلا يابو سند أسعدني تواجدك ... وعطرت متصفحي بمرورك لا هنت يالغالي |
صح لسانك..((مجنون المدينه)) الله الله.. ياشيخ الكلمات تعجز عن الابحار في بحر هذه الرائعه سلم حسّك وبوحك.. تقبل مروري وتقديري |
تابعناااا شف هذا يطالع في الابداع ويقول صح لسانك ماتكفي حسبك الله ياشيخ عذبت القوافي الا صح الشعر بلسانك يالمبدع والبلبل الشادي 0 تقبل تحياتي وتقديري |
والله انك رهيب يا الهجير الله عليك
عاوت قراءتها اكثر من مره هذي ما يبغي لها اي تنسيق تسلم يمينك |
الله الله ... ابو محمد مهما أثريت الصفحه من مديح في الهجير فلن أوفيك حقك وشهادتي مجروحه فيمن أحب .. هنا بذخ ايما بذخ .. وأشبعتني شعرا" >>> الرجال يتفلسف لا أقول الا : بالعربيه : صح لسانك ملاييييين وباللاتينيه : شدقوك وإنت راقدن هههههه والله يعينك يابي .. قلبك اشوف خضرته في القصيده هههههه وجمعك الله بمن شادقك ههههه??? |
| الساعة الآن 11:43 PM |
Powered by vBulletin® Copyright ©2000 - 2025, Jelsoft Enterprises Ltd.
HêĽм √ 3.1 BY: ! ωαнαм ! © 2010
جميع الحقوق محفوظة © لأكاديمية العرضة الجنوبية رباع