عزيت نفسي عن هوى كل محتال=وأصبحت فوق الكل والراس عالي

ورفعت قدري عن رديين الأقوال =واسرجت خيل العز بأرض المعالي

ماني من اللي هزها كل موال = ولا أتبع سراب(ن)موردن للخمالي

ثوب الشرف ظافي عليه ولا زال = يبطي قليل العرف ماوصل جالي

والشمس مايحجب سناها بغربال = لو حاولو تشويهها ماتبالي

عواطف إنثى لكن بعقل رجال =ماهو مصمم للهوى والهبالي

مدامني في مجلس الطير بختال = بمشي بخطوات الملك بالعلالي

عود(ن)شرب مر الليالي مع الحال= ما مال عن دربه لو العمر طالي

ماهو من اللي بدل إسمال بسمال=إشعيل زيزوم الحمول الثقالي

بنت الطنايا فاهمه كل الأمثال = تجمع خصال الطيب قبل الزوالي

وهذي قوافي شعرنا جات تجتال = تنجب معان العرف زين الخصالي

أسرجت منها مزبن لكل مدهال = وأبعدتها عن درب سمج المقالي

ترانيم المطر
صح لسانك وسلمت يداك
ابيات رائعه بروعة تواجدك العطر

مرور شخص معجب بالكلمة الجزله ووقوف إجباري للتمعن في غزارة هذا الشعر
لدى من يتقن المعنى ويجيد نظم المفردة في مكانها المناسب
هنيئاً للشعر بأمثالك وهنييئاً لك بالإبداع

تحياتي

بنت الطنايا والنعم بك وبشمر كلهم
صح لسانك على هذا الابداع

صح لسانك
ابداع في شموخ
وروعة في قوة حضور
اعتزاز بالذات اصله الثقة بالنفس
واعتزاز بالعزوة اصلة اصالة العزوة
كلمات انتظمت كعقد الالماس
لاهنتي ترانيم

صح لسانك ...والله يعطيك العافيه
كلمات جزله ..وشاعريه فذه
ليس بغريب يابنت الطنايا
واسمحيلي ان اطلق عليك لقب (شاعرة الشمال)
شكري وتقديري