|
يطول صبري
يطول صبري وليلي كنَ ماله صباح=والعين ترقب شروق الشمس ماشافته جفت دموعي وبيحها البكى والنياح=والشرب والزاد نفسي مالسهر عافته اعد الأيام وانشد كيف ذا لعمر راح=وأعاتب القلب وأيام الهناءطافته أدمت فؤادي همومً كايده ماتزاح=وأنا أتصبر وحملي زاد عن طاقته اللي محرَم خلقه الرب واللي مباح=وغير ذي يقترفه الشخص بحماقته احلم وأقول إن حظي شع برقه ولاح=واصحى وأناجي البعيد وكني أخافته الدهر إذا مال ماينفعك كثر الصياح=والحظ إذا طاح راح الرزق في ساقته هذي حقايق ولا هي هزل وإلا مزاح=خذ علم من ذاق حلو العيش ومرارته أتخيل الوقت واقف لي وانا في كفاح=والشيب في رأسي القاسي قضى حاجته أعيش عطشان لكن مشرب إلا قراح=واموت موت الذي دنياه ماطاعته يانفسي اللي يضايقها هبوب الرياح=خفي فعيني لذيذ النوم ما ذاقته |
اقتباس:
الله الله الله من ارد أن يروي الذائقه المتعطشه للشعر فليقرأ لابن هندي حيث الامتاع والابداع والجزاله النادره نعم هنا وجدت شعرا هنا كتبت فامتعت ماهذا يا شاعر المنتدى أنها دره من أجمل الدرر الشعريه التي قرأتها على الاطلاق سعيده بأن أكون أول من صافح الجمال الذي لا يأتي به الا متمكن هنا ابيات كتبت بحرفنة شاعر أبدعت شاعرنا الكريم وأمتعت لا تحرمنا جديدك فنحن نتعطش للجمال وأنت أهلا للإبداع فلا نستغرب عندما يكتب ابن هندي هذه الأبيات مهما كتبت لن أصل الى ما تستحقه هذه الفاتنه ولكن سأكتفي بإمتاع الذائقه وهذا يكفيني تحياتي يا شاعر الابداع والتميز ترانيم |
يالله سد وجهك من هذا الابداع من شاعر متمكن يجيد التفنن بكل الالوان وفي اي وقت وزمان
صح الله لسانك يابو ماجد وبيض الله وجهك. لو بغيت ادخل واكتب بالنبطي وشفت ابداعك وابداع / ترانيم المطر . خرعت وشردت تحياتي لك. |
ابداع لا يضاهيه ابداع وصح لسانك لين ترضى يابن هندي |
ما شاء الله عليك من قوة شعرك
حتي الحروف تهابك سلمت يمينك |
بن هندي شاعر الابيات الجزله صح لسانك وسلمت يداك |
الله الله ...ياشيخ ابداع لحد الثماله قوة معنى وحبك مفردات وصياغة جمل لاهنت ولا هان منطوقك تقبل اعجابي الفائق بكل ما تقدم وبكل ابداعاتك وتقبل مروري المتواضع من هنا ...فامامك تضيع الكلمات لاهنت |
بن هندي صح لسانك واعتلا شانك مبدع يالغالي تقبل ودي واحترامي |
| الساعة الآن 08:02 AM |
Powered by vBulletin® Copyright ©2000 - 2025, Jelsoft Enterprises Ltd.
HêĽм √ 3.1 BY: ! ωαнαм ! © 2010
جميع الحقوق محفوظة © لأكاديمية العرضة الجنوبية رباع