قضيت البارحه سهران وانعي قلبي المسلوب=وليل المبتلي يامطوله يمضي على هونه
وعيني حاربت طيف الكرا وامسى الحشا ملهوب=وخطواتي على عثراتها ماهي بموزونه
اهوجس راح من ذا الصوب وإلآ راح من ذا الصوب=انا مجنون وإلآ جملة الافكار مجنونه
تعبت وهدّني التفكير لكن جاء منه مندوب=يقول الحيّ لاتبكون له وإلآ تعزّونه
أنا دوبي تذوّقت الحياه والزاد والمشروب=على ريف الشحم والبن الاشقر ضيف مزيونه
ترى اللي ماعرف (عشق البدو)ياصاحبي منكوب=حياته مالها داعي ولا قبله ولا دونه
اصاله والطبايع غير والبرقع وشكل الثوب=وثقل ومنطقن حالي وله ناس(ن)يجيدونه
بنات اليوم ساقتهم حضاره وجهها مقلوب=وهي باقي على عاداتها شيخه ودندونه
غرامك يابدويه غاية المقصد ولي مطلوب=رفيعة شآن عن قول الردي والنذل مصيونه
مشاعر صادقه ماقلتها مكره ولا مغصوب=بعيده عن مجرّد شعر لجل الناس يقرونه

ابن الجنوب
صح لسانك وسلمت يداك
ابيات رائعه بروعة حضورك العطر

صح لسانك قصيده جميله
والله يرزقك بالبدويه اللي تصونك
ويبارك لك في ما أعطاك
تقبل تحياتي وتقديري
ودمت بود
ترانيم

الله الله يابن الجنووووووووووب

صح لساااااااااااانك ملايييين ..

شفت ان الابداع ليس له مجال معين ؟؟

قصيده رائعه بروعة فكرك وحرفك ....

أنا أبغا إيطاليه بس ماعرفت أقول فيها قصيده تويتــرر

حليل قلبك وقلبي معك ههههه
صح لسانك ياشاعر الابداع

صح لسانك يابوسالم
والله انك مبدع والقصيده ابداع بكاملها
بس توقفت عند هذا الشطر ويسوى دواوين يعلم الله
وليل المبتلي يامطوله يمشي على هونه
حسبك الله

صح لسآنك يأبو ســآلم
تم حفظها عندي وأن شأء ألله أحنكفهـآ لك فيديو