ياطبخ قلبي طبخ شاهي على القز=من بعد ما صبّو له الماء من الكوز
على الذي فستانه احمر مخرّز=يختال في مشيه وهو لابس الشوز
ما يشرب الببسي ولا ياكل الرز=رشيق في هندامه اشقر ومرزوز
نشرة جماله ما تعبّر بموجز=كل العناوين احتكرها وله نوز
شعره حرير ومن جدوله تغرّز=وريقه زلال احلى من الشهد والموز
قلبي منه يقطر دمه قطر ويفز=شبيه قطر المويه من عنق بزبوز
لا جيت اناضر في جماله واركّز=يلذع بهاه اسلاك قلبي والافيوز
وان قلت زينك راحتي هزّها هز=عوّد يناضرني وهو يلوي البوز
يدرج طرف عينه ويهمز ويلمز=واخوه في جنبه وهو راكب الروز
يدعيه يا عزّوز والصوت يرمز=ياليتني بااغير اسمي لعزّوز

علي السبيه
شاعر التواضع
صح لسانك وسلمت يداك
ابيات رائعه بروعة طلتك العطره

لون اخر واسلوب اخر وابداع يضاف لابداعتك السابقه
صح لسانك ملاييييين يا منهل الابداع
ابو طلال انت مبدع بكل ماتحتويه الكلمه من معنى
تقبل تحياتي وتقديري

أروووح شآهي على القز و أروح عزووز

صح لسآنك .. يآ علي ابداااااااااع وإمتااااااااااااااع

صح لسانك يامنهل الابداع لين يلين صميد .......