|
هذي قصه وقصيده لكن وش قصه الشعر والمعنى الحقيقي
هذي قصه وقصيده والغاز وسوال وجواب مابين ( نوره) (وعايش)
((((((((((((((((((((((((((((نوره وعايش)))))))))))))))))))))))))) هذا عايش يحب نوره حبا شديد وبقوه وبشكل لايتصور المهم راح لعمه وخطبها وقال ابو نوره حيالله ولكن هات المهر وابشر طبعاً ماعنده المهر المطلوب قال ياعم اعطني مهله لكي اروح ادور المال واجمعه منا ومنا المهم ان الرجل هذا اللي هو عايش سافر يدو على المال مهرا لعشيقته نوره طبعا بعد حوالي الثلاث سنين رجع عايش ومعه المال وراح لعمه ولا حصل احد نوره تزوجت وراحت بيت زوجها طبعا عايش اكل نفسه وصابه الهلع عليها عموما ماباطول عليكم راح يدور لنوره وحط لغز للي يجاوبه في لغزه يعطيه ماله وحلاله المهم انه يجاوبه السوال اول ديره وصلها وظاف اهلها قال يالربع عندي سوال واللي يجاوبني اعطيته مالي وحلالي قالو ماهو سوالك قال بنشدكم عن ظو القمر وشلون نوره قال واحد لونه ابيض قال الثاني لونه احمرالمهم ماعرفوالسوال راح يسال ويدورحصل ديره وسالهم نفس السوال وجاوبوه نفس الجواب واخيرا وصل البيت اللي فيه نوره وتظيف عند رجلها وساله عن اللغز او السوال وقال بنشدك عن ظو القمر وشلون نوره ماجاوبه سكت راح عند نوره وقال عندي ظيف واعطاني لغز قالت ماذا قال قال بنشدك عن ظو القمر وش لون نوره قالت رح وقله مثل السمك وسط البحر((((( وشلون عايش))) ولما سمع الجواب هلت العبرات غصب وبكى وقال مادام انها بخير مالي وحلالي لك وشكرا طبعا انا بدعت قصيده على هذا القصه واتمنى الرد من اي شاعر البدع من ابو رائد= *= بنشد عن البدر فوق العرش وشلون نوره= اللي يجاوب عطيته من حلا لي ومالي= والناس يقلون في مبدا له اشكال والوان= ورحت صدفه لبيت الهيل ماكنت داري= ويوم جيت انشدالرجال قفى بمقفاه= وقال يانوره جاني شخص باللغز ياسال= قله نظير السمك فا البحر وشلون عايش= قله نظير السمك فالبحر وشلون عايش= |
تسلم ياب رايد على القصه الجميله
وصح لسانك على القصيده الرائعه اقبل مني هذا الر= من حب عايش تمنيت اعرف اش لون نوره= اللي تخلت وهو لاجل الهوى جا بمالي= حسيبها الله لاجل المال تختار الالوان= ثلاثه اعوام في طلعه لها وانتداري= هي خانت الحب واما عايش احفظ مقفاه= في قلب عايش لنوره شهد ذي عين ياسال= وقلب نوره سلى ماقال وش لون عايش= |
الله من هذه القصه الجميله التي ابداها لنا الشامان قصه عجيبه وقصه لها بعض المعاني لكن ابو محمد رد ردود مجمل ووصل للمطلوب الذي يريده ابورايد صحة الالسنة وتعافة الابدان
|
صح لسانك يانجم الجنوب الحقيقه انك اجدت واتقنت في هذا الرد الاروع
ورديت رد علاج وكانك حافظ القصه بما احتوت الله ينصر عليك في هذا الابداع ياشيخ الف الف شكر يابو محمد المجاهد مرورك يشرفنا الله لايهينك يالغالي |
قصه جميله
وبدع ورد رائعين لاهنت ابورائد وابومحمد تقبلو مروري وودي قبل ردي |
اقتباس:
ارحب يابو احمد حقيقه مررك يرد الروح ويحيي الامل الله يسعدك لاعدمتك |
اقتباس:
انت مكانك القلب والقلوب عند بعظها كما قال المثل لاعدمتك |
الشامان
و نجم الجنوب صحت الالسن ملاييين لكم كل التقدير |
الله الله صح لسانك يالشامان وصح لسان شاعرنا نجم الجنوب على الرد الوافي .. قصه رائه شوقتنا لشاعرتنا نوره وصديقتها اللي صندحتها متر في متر ههههههههههه حسنا الابداع تقبل مروري وتقديري لابداعاتك وهات المزيد
لا تحرمنا من القصص |
شعراء الابيات الجزله
الشامان نجم الجنوب صحت اللسنتكم وسلمت ايديكم |
| الساعة الآن 04:00 PM |
Powered by vBulletin® Copyright ©2000 - 2025, Jelsoft Enterprises Ltd.
HêĽм √ 3.1 BY: ! ωαнαм ! © 2010
جميع الحقوق محفوظة © لأكاديمية العرضة الجنوبية رباع