أكاديمـيـة العرضـة الجنوبيــة - ربـاع

لو تشتكي يازين من قلّة النوم
انا ترى مانمت من يوم فرقاك
.
اسهر مع الذكرى وصوت ام كلثوم
واسري مع الانسام لا هب طرياك
.
واتحسّس الاخبار يومً ورى يوم
واعشّم الروح العليله بلقياك
.
اسقيتني فرقاك والهجر مسموم
ياحبي اللي دايم اشربك واضماك
.
واغوص في عمقك وانا معرف العوم
عيني فنار الشوق والقلب مرساك
.
جرحتني جرحً عميقً ومكلوم
ياجرحي اللي هلّ قلبي وحيّاك
.
واغديتني بين المخاليق متهوم
وشدّدت حبسي وارقب العفو وارجاك
.
اجلس وحيد وكل ماحولي اهموم
ماتنجلي يانور عيني بلياك
.
لي في هواكم ياهوى خاطري اعلوم
انا وشوقي والليالي وذكراك
.
صار السهر في غربتي عمر محتوم
يابدري اللي غبت في عالي اسماك
.
خيال فكري في سماء حبك ايحوم
من وين ما تبعد ترى خافقي جاك
.
صمتي معاني حارقه كلها لوم
لا قادر اوصل لك ولا قادر انساك