أكاديمـيـة العرضـة الجنوبيــة - ربـاع

هذه القصيده لها مناسبه خاصه وحبيت اعبر عنها
بطريقه مختلفه من قيس معرفتيه والمعرفه ماجارت
كما فقدها
ياشين لا تفرح حسابك جاي
ان كان ماهو اليوم كم من يوم
.
ان كان سلاّك الوتر والنّاي
باقي نهينك بين كل القوم
.
لو كان باالمصري تقول الزّاي
اقول باالشامي ياعيب الشوم
.
واودّعك واقول لك باي باي
الى غمظ رمشك وطال النوم
.
منته بلا همّي ولا بلاوي
لكن عشان العبره تبقى دوم
.
تاريخك اسود وانت له نسّاي
كم اشبعوك اهل اليصل والثوم
.
لكن وجهك ما جرى به ماي
اقبح من الحرباء ووجه البوم
.
والله لضاعت فيك كل ارجاي
ماعد ينفعك العتب واللوم
.
قيامتك قامت ولا لك راي
مافي نهار البعث حج وصوم
.
اشارة المنديل والا هاي
فيها تفاصيل الخبر باالكوم
.
واحنا عرب احرار ياغوّاي
مااحنا من اهل الفرس والا الروم
.
فينا شديد الباس والرّماي
ماعد فيها والامر محسوم
.
ولا عاد لا هادم ولا بنّاي
ترى صدر في حقك المرسوم
.
والامر لك يارب يامولاي
كلن خذا من حضه المقسوم