يـــاحـزن فــــارقنـي ودور بــــدالـي
حسيت في قــربك مهـــــانــه واذلال

يـا حـزن انا اسألك جـاوب سؤالــــي
مـــافيـه غيري في مـــواليـد الاجيال

رد الحـزن يــــاغــــايتي يــا منــالي
انـــا نصيبـــــك لا تكثــــر بالاقــوال

والله مـــا اخليــــك وابقــــى لحــالي
ولا ادور غيـــر صحبتــك يــــاخـــال

ارضـا بمكتوبك تــرى العمــر بالـــي
وابشـر بحـزنك دوم ياطيـب الفـــــال

عـــرفت ان الحـزن نــاوي احتـــلالي
وانــه مجهــز لي قيـــودي والاغـلال

اســر فــؤادي مــن ســـنين خـــوالي
وكل يـــــوم يهــز قلبـي بــزلــــزال

اشـــرب مـــرار الوقت واقـول حالي
والقيـــــد في رجلـي واسميه خلخال

اشــــرب عكــر واقـول هــذا زلالـي
مربوط مـــن عنقـي وابينــه سلسـال

اوهمــت نفسي بالســـعاده ليـــالي
وصدقت اوهـامي على كل الاحوال

واظهرت فــرحي للمـــلا واختيـالي
واصبحـــت اغنـي للفرح كل مــوال

ضلمت نفســي يوم صــدقت حــالـي
وخــدعت نفسي بالقصائد والامثـال

الحــــزن يهـدا والفـــرح دوم غـالي
ماتجلب الراحه مـع بــذل الامــــوال

في كل يوم اخسر مع الـوقت غالي
واصبر على فرقاه والـدمع همـــال

اشكي مـن اوجاعي وكثر اعتـلالي
وللحــزن والهـــم صـــــابر وحمــال

مليت من نفســـي كرهت احتمالـي
وحـــزت مركز فيك ياحمل الاثقـال

اثقـــال مــــا تنطاق ثقــل الجبـالي
وشفت في عمري تعابير واهـــوال

رفعت يــــدي ياعظيـــم الجــــلالي
بدل حزن قلبي وغيــر لي الحـــال