سر يا قلم واكتب مشـــاعر واحزان
سطر جروحي والحبـــر دمــع عيني

على فـــراق الغاليه غــن الالحـــان
الحـــان حـزن(ن) والملا سامعينـي

يا اغـلا بنات الكون يانبض شـريان
ياللـــي فـؤادي شــــرك بينك وبينـي

اعيش في بعدك من الوجد حيــران
واعيـش في ذكــراك بـــاقي سنيني

شـــوقي بقلبي يشعل الصدر نيـران
يـا ويل قلبي مـــن مفــارق ضنيني

الدمع لو يــرضيك سيلت وديــــان
اوعـــدك ما انســــاك هــذي يميني

اذكــر دفـــا قلبك اذا كنـت بـــردان
واســـعد بقربك يــوم طيفك يجيـني

انسي اســـير وعلمي القلب نســيان
أيـــام حــب ارجــــــوك لا تـذكـريني

اذا نســيتي يصبــح القلب فـرحـان
بفرحتك ياروح روحي اســعدينـي

ونعيش انا واياك اغــلا من اخوان
ما اخيب الــرجوا اذا تـــرتجينـــي

ودعتك الله روض وردن وبســتان
اهـدي لك اشــواقي وبــاقي حنيني

يالله تحفظهـــا من الانــس والجـان
ادعيك يارحمـــن وارفـــع يــدينـي

واطلبك يـــارحمــن للذنــب غفران
واصلح لي الاخرى ورزقي وديني

ثــم الصـــلاة على النبي كل ما بـان
نـور الهـــلال ونـــور شـمس تبيني