البدر يشكي غيرته مــن حــــلاتـــك=
=والـــورد يصـــرخ رقتـك اخجلتنــي
الصدق والطيبه مثل عـــن صفــاتك=
=واوصافك الاخـــرى غصب حيرتني
افخــر بمثلــك وانـت تفخــر بــذاتـك=
=ملكـــت روحي يـــوم حبـك ملكنـــي
ان قلت هــــات الروح رديت جاتــك=
=أيــش حــال قلبي لو غـرامك تركني
المســـك ريحك والعســل من شفاتك=
=ســـرقت قلبي يــــوم عينك رمتنــي
سمات كل الخيــــر تعكس ســـماتـك=
=اختـــرت حبـك شوق ما حد جبـرني
مـــا يسكن الخــافق حبيبـي سـواتك=
=انـت الوحيـــد اصـلاً دلالك اســـرني
انـــا متيــــم فيـــك واكثـــر هـــواتك=
=اذا تشــــك انـــا معـــــك واختبــرني
والله ما في الكـون واحــــد شــراتك=
=مفتــــون وانـــت الغالي اللي فتنــي
لـــو التمنـــي لـــم شملي وشتــــاتك=
=حلــفـت اقضــي العمـــر كله تمنـــي
عيني لك البـــروز رمشــي غطـــاتك=
=وان غبت عن عيني فــــؤادي يونـي
ياللي جمـــال البــدر يعكـس حـــلاتك=
=عطنــي هــوى قلبك من الحب زدني