على طاريك جيت انشد وادور لك وانا ملهوف=وجيت اعانق احروفك وادور في معانيها
بغيت اخبّي اشواقي واداري رهبتي والخوف=وفي جوفي معاناتي اخبيها واداريها
لكن الشوق من سجنه غدا يصرخ على المكشوف=ويدعي بك ويتمنى جروحه لو تداويها
سرى قلبي على الطاري وفي جوفه جروح انزوف=مع روحي غدوا يمك تواسيه او يواسيها
وسلمت امري المحتوم لحبٍ داخلي وايطوف=وسلمتك وانا مرغم حياتي من بواديها
عطيتك قلبي المجروح عساك ابما عطيت اتروف=وترحم لوعت ايامه وروح الهم لاويها
تراني عشت بايامك مشيت ابجانك مكفوف=اشوف الي اتشوفه انت عيوني سرت ناسيها
حبست القلب في حبك غدا لك بالهوى مكتوف=وروحي ملك لانفاسك تناديك او تناديها
غديت ابعيني الدنيا وغيرك وش بقى بتشوف=الاسرت النظر فيها اجل غيرك معاديها
طلبتك لا تعاتبني عن الماضي تراى مكسوف=ترى في حظرتك روحي تخلت عن مساويها