اجي يمه وبا وادع ولكن صعب ما اقدر
انا ما اقدر على بعاده وطاري البعد وفراقه

اصد واتهرب وابعد واحاول منه اتعذر
اخاف تطيح دمعاتي وانا مقبل على عناقــه

يدري اني احبه حيل ولا يمكن بعده اصبر
وانا متعاهد وقلبي صعب اخون ميثاقــــــه

اخافه يبتعد عني واخاف ابقى معه واخسر
تعب قلبي من افعال الزمن وظلمه وارهاقه

لعلمك كل ما تكبر غلاك بداخلي يكـــــــــــبر
واشوفك داخل اعماقي بوسط القلب واعماقه

انا لا من تذكرتك يضيق الصدر واتعـــــــــثر
واقلب دفتر ايامي وابعثر كل اوراقـــــــــــــه

قهر يا قلبي لا تشكي ولا تحزن ولا تسهر
سنين البعد تلعبك ونار الشوق حراتك

كثير الوقت يجمعنا لكن الوداع اكثر
كثر ما مت في قربه اموت بلحظة افراقه