بسم الله الرحمن الرحيم
السلام عليكم ورحمة الله وبركاته
صباح الخير ... مساء الخير
كيف الحال للجميع إنشاء الله بصحه وعافيه .؟
وآسف على التآآخير لان صادفتني بعض الظروف الخاصه وبعدين انا مقصر في حق المنتدى وكذالك الاعظاء بس اتمنى ان تقبلو اسفي
يعطيك العافيه ابو مشاري على طرح هذا الموظوع
مهنة التمريض مهنه عظيمة واول ممرضه في التاريخ وفي العهد الاسلامي رفيده بنت كعب الاسلميه رضي الله عنهى وكذالك ام المؤمنين عائشه بنت ابي بكر الصديق رضي الله عنهما فهذا شرف لكل من مارس هذه المهنه بس اتمنى من الي فكرة في كيفية وصولها لهذي المرحله هل فكرة تقبل المجتمع لها في غير مصلحه ، يعني من ناحية تكوين اسره ، تقبل المجتمع كزوجه طبيبه دون مشاكل الجواب لا وانا عارف والجميع عارف هذا الشي واللسبب
انا كنت يوم من الايام راجع من العمل وشغلت الرادو والله ناسي رقم المحطه بس الوكاد كانو يتكلمون في هذا الموظوع ومقدم الموظوع كان من العنصر النسائي .. الو معنا اتصال الاتصال من بنت "طبيبه " تقول ليه زملائها في هذي المهنه ما يقبلون يتزوجون طبيبه وهذا زميلها في العمل وزميلها يعرف تصرفاتها في العمل اكثر من اهلها فما بالك ! زميلها في العمل ولا رضي يتزوجها بعدين هي تكلمة بأسم جميع من مارس هذي المهنه من النساء اوكي انا معك راح تقول الرجال راح ياخذ في نفسه ان يكون متزوج طبيبه في العمل واخوياه موجودين معاه في نفس القسم يعني كارثه يشوف زوجته تعطي اوراق وتاخذ اوراق من خويه وهو ساكت يعني الآدمي هذا ماراح يكون عنده غيره ولاو 00،5% على كذا ماراح يتزوجها .
نطلع بعيد عن نطاق المستشفى نجي للعموم :
إذا الدكتوره هذي ترضى لزوجها يجي عندها في المستشفى ويسولف مع خوياتها في العمل ،هو مااراح يرضى زوجته تسولف مع اخوياها في العمل وصحيح حنى إذا وصلنا امهاتنا او وصلنا زوجاتنا وكذالك خواتنا الشرط الاول "الطبيب (هـ )" عنصر نسائي وهذا اكيد 100%100 من دون شك وإذا زحم الامر مستشفى اهلي .
ليه .؟
لان في شي اسمه خلق في شي اسمه عرض في شي اسمه غيره يعني هذي الطبيبه ما فكرة في مستقبلها الشخصي قبل المهني هي وصلة دكتوراه وبس يعني تبي الناس تشوفها ان ما في شي عندها مستحيل ، اوكي وصلتي الدكتوراه بس هدمتي مستقبلك الاسري ، الله عز وجل قال المرءاه كلها عوره إلى وجهها في الصلاه ، احتمال راح تقولون اش دخل هذا الكلام في الموظوع لا عندي انا لاه دخل لان الله امر المرءاه بالتستر في الصلاه نظرب مثال في الزوجه تتستر في الصلاه حتى قدام زوجه ليه .! لان الله امر بذالك واستثنى الوجه بحظرة اجانب مو اجانب يعني خوارج لا ناس ماتحل لهم فما بالك بجميع الجنسيات في المستشفى وهي حاطه نقاب وكاشفه عن ايديها !.
يعني الكلام هذا طار من راسها وحطة بدله الدكتوراه يعني حتى لو البنت صاينة نفسها وشرفها ودينها لاتنسى المظايقات الي في المستشفى من ناحية طاقم المستشى وكذالك المرضى والزوار يعني راح يجيها شي اسمه وسواس قهري .

بعدين المدرسه الي بعيده عن الاختلاط حياتها الزوجيه مشاكل واللسبب الراتب هذا وهي مدرسه فما بالك بطبيبه اللراتب موجود ولا ختلاط موجود لا وبعد راشه طيب على الزي الرسمي حقها تشمه وانت تمشي في السيب وهذا حكم المرءاه فيه انتم عارفينه اش قال الرسول صلى الله عليه وسلم .
وبعدين وربي انه اكثر من مره وانا اراجع في التخصصي وكذا مستشفى مثل قوى الامن والعسكري يفتح الاصنصير فجأه وتحصل اختنا في الله تسوي الميكب حقها وبعدين اتحدى ما في طبيبه ما هي منمصه حواجبها او مشقره وهذا الشي معروف لاعن الله النامصه والمتنمصه لا وحاطه تظليل وكحل والي ما يحطون ينعدون على الاصابع هذا إذا كان في عدد لان الكلام الي يجيها هذي الي ما تحط راح يقولون زميلاتها في العمل انتي مثقفه ولسى راسك محجر حنى في جيل حظاره والكل عارف انها راح تمشي في جيل الحضاره والتفتح الفكري .
وآآآسف اطلت عليكم في الرد وكذالك تطرقت لاغلبية السلبيات في هذي المهنه لان الايجابيات تختص بالنيه والله عالم بنية الجميع وما قبل الاخير الكل عارف ان هذي المهنه نسبة قبولها في المجتمع ونسبة رفضها 100%100 في كلتا الحالتين .
وأخيراً شكراً اخوي ابو مشاري على هذا الطرح واتمنى تجاوبني ليه خصيتني في هذا الموظوع ومواظيع ثانيه ايضاً .!؟ اتمنى ترد على سؤالي
ولك خالص احترامي انت والاعظاء وكذالك الزوار وحقيقه الشي الي تندمت عليه اني ماكنت موجود في وقت طرحك لهذا الموظوع والاعظاء كفو ووفو


شكراً للجميع