تصدقين اني لشوفك تشهيت=
واني لضم ايديك مشتاق مشتاق=
صبرت لكني من الصــــبر مليت=
والصبر عن شوفك ابد كيف ينطاق=
والله لو من نجد جيت وتعنيت=
ماهمني دام الثمن ((ضم )) وعناق=
يا مــــا ويامـــــــــا ياغناتي تمنيت=
ارسم على خدك فراشات واوراق=
وكم ليلة من حالي النوم فزيت .=
لا من ذكرتك يا ضيا الصبح.. يا اشراق=
وكم مرة من لاعج الشوق ونيت=
وكم ونة طاروقها حر الاشواق=
لا تعجبي لو في وصوفي تعديت=
والله ما غيرك من البيض لي راق=
يا بنت ريقك مثل ما نا تهقويت=
من يشربه يسكر لياليه... ما فاق=
شفايفك فيها عسل كم له اطريت=
ياماتمنى القلب من شهدها ذاق=
لا اصبحت في بالي خيالك.. والا امسيت=
مدري إش بلاي اذكرك مع كل خفاق=
لا جيت يمك او تعديت واقفيت=
بي رازم من لاعج الشوق حراق=
عشقت سهدي فيك وادمنت وشقيت=
و ما ضنتي في الكون للسهد مشتاق=