تعود دائما يامعلوي ما تستهين الرجال وانا ما احتري شهاده منك ولاجيت افرض نفسي كـــشاعر بس اللي يبدع دائم يتحمل الرد
بعض العرب من يديه يصفق لعمره=ويحسب الناس ماتدري بتصفيقـه
تقول طفل مابين الجمـر والتمـره=يتوهم بخاطر ً مـا حـان تعتيقـه
من صبحه اللي يزهب للمسا سمره=والا المسا داري ان الصبح بيفيقـه
يعود اشيائه اللي تنـزع السكـره=ويقول شيه له اني ماعـد اطيقـه
يعني كما اللي بيدينه حافر ً حفـره=وماغيره اللي يطيح بشر تعميقـه
المزهريه يشـوه زينهـا الكسـره=والورد فيها يموت بحسره وضيقـه
ياناس ويش السواه بليلـه وفجـره=الصدق ماينبغـا والكـذب ياريقـه
يسيل والبعض يشرب ماقوى يشره=وانا ابشره على اللي زاد تصفيقـه
والا الغبي يوم بيده صفق لعمـره=باعلمه ان صفـق ايديـه تلفيقـه