هذي قصيده لي قديمه أحب أن اطلعكم عليها
شيبت وانا ما وصلت الثلاثيـــــن = وين الشباب وتالي العمر وينــــــه
في داخلي مثل انفجار البراكيــــن = وفي نضرتي لون العيون الحزينــه
اسهر سهر من حملوه العرب دين = لاصبح وهم في ساحته طالبينــــــه
وابكي بكى طفلُ يتيمن من اثنيـن = مهما بكى ماضنهم سامعينــــــــــــه
وانزف وكن الله خلقني بقلبيـــــن = تنزف من اوداج المعنى غبينـــــــه
يا قلب اذاهاذي حياتك من الحيـن = خل الزعل والهم خله لحينـــــــــه
لوسكنوني في قصور السلاطيـن = واعطوني اموال التجور الثمينــــه
واسقوني الما تحت ظل البساتين = مع فاتنه من فاتنات المدينـــــــــــه
مالي حياه الا حياة المساكيـــــن = مادام علة قلب الانسان عينـــــــــه
اذا سألتم وش سبب حالي الشين = واسباب قلبن ماتوقف حنينــــــــــه
هذا سبب غروُبدى داعج العيـن = فرق زحام الناس بيني وبينــــــــه