من بادي الوقت هذا طبعَ الأيَّام ِ

عذبات الأيَّام ماتمـدي لياليهـا
حلو الَّليالي توارى مثل الأحـلام ِ
مخطور عنَّي عجاجَ الوقت يخفيها
أسري مع الهاجس الَّلي مابعدْ نام ِ
وأصوِّر الماضي لنفسي وأسلَّيهـا

مرتـاح أحبَّـك ولاعلَّمـت
حتَّى أنت عيَّيت أبيَّـن لـك
البارحـه يـوم أنـا سلَّمـت
شكَّيـت لـو عينـي تدلَّـك
برقٍ لمع في العيـون وخفـت
مواجع القلب توصـل لـك
عساك في ناظـري ماشفـت
كيف المعاليـق يومـن لـك

يامدوَّر الهيَّن ترى الكايـد أحلـى

وأسأل مغنِّي كايـدات الطَّـروق ِ
الزَّين غالي لكـن الأزيـن أغلـى
ولكل شـرَّاي ٍ بضاعـه وسـوق ِ
النَّو عالي والسّمـا فوقـه اعلـى

ولى فاق علم ٍ جـاه علـم ٍ يفـوق ِ

أيَّوه قلبـى عليـك التـاع

مايحتمـل غيبتَـك ليـلـه
وعـســاه مـايـرتـاع
عليـك يانافـلٍ جيـلـه
لبَّيه يابـو عيـون وسـاع
ماغيـرك أحـدٍ ألبَّـي لـه

ليالي نجد مامثلِـك ليالـي
غلاك أوَّل وزاد الحب غالي
ليالي نجد لِلمحبوب طيبـي
أمانه نـور عينـي ياليالـي
حبيبي ولى ذِكرت إنَّه حبيبي
دريت إنَّي حظيظ وزان بالي

لو وفيت وجيت يـوم ٍ زرتنـي

لو صدقت أفنيت روحي في هواك
لو سمحَت بنظرتـك وأمهلتنـي
أحضن عيونك بقلـبٍ مانسـاك
لو لمست الوجـد بـي ولَّعتنـي

وأهتديت بنور قلبـي وأفتـداك

أوَّاه ياقلـبٍ علـيـلٍ تِعلّـقـت

في حبِ منهو بالنواعـس فتنَّـي
حاولت عيني تِمتنـع ماتِملكـت
حبَّه ملك قلبي وفكـري وظنَّـي
ليلة لقانـا ياضميـري تلوَّعـت
هاجت شجوني والعيون أهملنَّـي

أَون وريـاح الَّليـالـي تــونِّ

والبرد في جوفٍ كما الغار خاوي

ماكِن لي عقلٍ ولا قلـب كِنَّـي

جذع ٍ وقف في وجه الأيَّام ذاوي

بـي عبـرةٍ محبوسـةٍ تمتحنَّـي

في عيني وحلقي وصدري شكاوي

أسابق السَّاعة و تسبقنـي السَّاعـة

تقضي و أنا توَّنـي بـأوَّل ثوانيهـا

أبشتري وقت وين أسـواق بيَّاعـه
يالَّلي تبيع الدّقايق حِـد و اشريهـا
قلبي يبي وقت لو الوقت ما طاعـه
و عيني تبي شمس لو الشَّمس تعميها

ساري وأصوِّت لَك أبيك

النَّظرة في عيوني تبيك

والرَّعشة في قلبي تبيك
ساري

إذا التقينا يوم ... ولاعرفتيني
فلا عليكِ لوم ... شاب الزمن فيني
أنا الهوى الغايب
أنا اللي كان ... ذاك الزمان وقت ومكان
أنا اللي كان ... في نظرة عيونك حنان
ومضة في عتمات المسا ... فرحة فؤادي اللي نسى
بسمة صباحك ... دمعة جراحك
خاطر عبر مرة في حياتك
أنا الهوى الغايب !

غرَّتنـي الأيَّـام بإقبالهـا يــوم

وأثر النكوفه عند الأيَّـام عجلـه

جتني لياليها علـى دف ونغـوم

وأثـر الَّليالـي بالغرابيـل جزلـه

فرحة نهارٍ عقبهـا ليـل وهمـوم

من يوم جدَّ البعد محبوب وصلـه

لى رحت للسَّاحل الشَّرقي
طرَّا علي نجـد وفياضـه
ياماحـلا لايـح البـرقِ
والسيل لي حار بحياضـه
ياماحلا نايـح الورقـي
بين البساتين في رياضـه

ياليل خبَّرني عـن أمـر المعانـاة
هي من صميم الذات وإلا أجنبيَّه
هي هاجسٍ يسهر عيوني ولابات
أو خفقةٍ تجمـح بقلبـي عصيَّـه
أو صرخةٍ تمرَّدت فوق الأصوات
أو ونِّةٍ وسط الضَّمايـر خفيَّـه

تِنشد عن الحال حالي كيـف ماشفتـه

و أنا أحسب إنَّك قبل ذا الوقت تدري به

في خاطري لـك كـلامٍ ميـر ماقلتـه

أجنِّبـك مايحسَّـك لـو حياتـي بـه

هـمٍ جديـدٍ علـى الاوَّل تحمَّلـتـه

عنك آتحمَّـل كبير الهـم وأمشـي بـه

أبي منه الخبر ويقـول لـلا
لِفا المرسول وماعيَّـن محلَّـه
وقلبي تايهٍ مِـن عـام الاوَّل
ألا يالله يسَّـر مـن يدلَّـه
خذاه الَّلي على خدَّه علامه
سوادة غيم في شمسٍ مطلَّـه

ياسحايب سراة أبها تعـدَّي شمـال
واستعيري دموعي سيِّلي كل وادي
غطَّي أرض الحبيِّب بالنَّدى والجمال
مثل ماهو منـدَّي بالمحبَّـه فـؤادي
أرعدي ياسحابه فوق هاك التـلال
صوِّري له حنيني عقب طول البعـادِ

فزَّ الخفوق وقلت ياالله عسى خير

أثر الَّليالي عاد غايـب قمرهـا

مع شوفته نشوه وفـزَّه وتخديـر
وعيون خـلاَّنٍ تعانـق نظرهـا
يفزَّ له قلبي كمـا فـزِّة الطَّيـر
والرِّجل كن الَّلي تحتها غدرهـا

لايطوِّل غيابك ثـمٍ آخـذ عليـه
لو تخلَّيت عنَّي عنك قلبـي تخلَّـى
العذر و التعلِّل والحكـي مانبيـه
من تحرَّك فؤاده بالهـوى ماتغلَّـى
طبعي الصبر لكن وش عليه أرتجيه
من طويل الصَّبر يعقوب وأيوب ملاَّ

كلِّ مانسنس من الغربي هبوب
حمِّل النِّسمه سلام
وإن لمحت سهيل في عرض الجنوب
عانق رموز الغرام
لك حبيبٍ مانسى .. كلمته دايم عسى
أطلب الله وأرتجيه .. صبح يومي والمساء !

كفاني عذاب الله يجازيـك بأفعالـك

جرحت الضَّمير ولا طرا لك تِداويني

مريـض المحبَّـه داه ودواه بوصالـك
ألا كيف تبخل وإنت نظرتك تشفيني
ألا واعذابي كيف ماعاد يهنـا لـك
سوى إنَّك تشوف الموت بإيديه يطويني

ليتك معي ساهرٍ ليل الهـوى كلَّـه
ما أنوم أنا وإنت لأجل الحبِ سهراني
ترى السَّهر مع حبيبك يبري العلَّـه
لي صرت شفقٍ وهو عليك شفقـانِ
كلِّش طراته إلى وافق علـى حلَّـه
وإلا ترى كل شيٍ يالغضـي فـانِ

أنورَت سودة عسير بطلعتك
وأزهرَت مِن وطيتك خِدَّانها
إجتمع ورد الجنوب وبسمتك
والهوى هيمان فـي وديانهـا
ماحلا مسَّ السَّحاب لوجَّنِتك
والنَّدى نشوان مِـن ريحانهـا

وقّف ترى لي مع شفايفك ميعـاد

بيني وبين الموت معسـول ماهـا

طـق الِّلثـام ولاتبيِّـن لحسَّـاد
لا لاتخلِّـي كـل عيـنٍ تراهـا
في شفَّتك جمرٍ حَمَر فيـه وقَّـاد
أغليت أنا لون الجمر من غلاهـا

نوى القلب نيَّه مانواهـا لاحـد غيـرك
نوى القلب يمشي لك على السَّمع والطَّاعه
مع الشَّك والغيره وهجـرك وتقصيـرك
أحبَّك وأقول أمرك له الـرَّوح خضَّاعـه
جمعنا طريـق الحـب وأنـور بتنويـرك
على صدفةٍ لقلـوب الاحبـاب جمَّاعـه

ستَّل جناحه ثم حام
يرقى على متـن الهـوا
يزفَّه بعيدٍ وأنـا
محـدود فـي حـد النِّظـر
له بالهوا شف ومرام
يلعب مع الغيمه سـوا
ولا جناحٍ لي وأطير
والأرض صارت لي مقر

ياغالي الأثمان غلَّـوك بالحيـل

من يوم سمَّو بـك جميـل المحيَّـا

شخصٍ تمنَّيته على العدل والميل
والحمـد لله يـوم خلَّـي تهيَّـا
أشبِّهه بالَّلي عسيفٍ من الخيـل
تلعب وأنا حبل الرِّسن في يديَّـا

زانـت بحبَّـك ياحياتـي حياتـي
من بعدكم شانت حياتـي عليَّـه
يادعوتي بـاوَّل وتالـي صلاتـي
ويانيِّتـي مـادام للحـب نـيَّـه
وياحلم صحواتي وغفـوة مباتـي
ويارغبتي من بيـن كـل البريَّـه

في سحابه على متن التمنِّـي
شفت عمري خيالٍ في سحابه
ياذهابه تعدى مـا أرجهـنِّ
كنِّ عامـه نهـارٍ ياذهابـه
من غدا به ربيع العمر منِّـي
حسبي الله على وقت غدا به

يازاهي الكحلِ عينك هي تبي حتفـي

صدَّت وأنا لي مِكانِ بحجرها الدافـي

ياجارح القلبِ ظُلمٍ مِنك لـو تِقفـي

حقَّي عليك الوفا تِسعى بالإنصـافِ

همس الشفايف تِبسَّم بسمِتك تِكفـي

لي صار وصلك صعيبٍ فالرِضا كافي

لك حق تزعل ثم لك حق نرضيـك
ما أقوى زعل حبيب قلبي وعينـي
مادام قلبي يا أريش العيـن مغليـك
أطلب ولك روحي ومافـي يدينـي
لاتنشغل مالك وزيـنٍ يضاهيـك
أبيك أنا لو كـان غيـرك يبينـي

ياشايل الظَّبي بيـن أيديـه
يستاهل الظَّبي مِن شالـه
بالهون بالهـون يامغليـه
معطيك ظبي الفلا حالـه
غزالك إرتاح مع راعيـه
يبي على الصَّـدر مقيالـه

ياولد لاتسافر عـن حبيبـك بعيـد
ماهقى إنك على فرقى الحبايب صبور
لاتعنى ترى الفرقـى عناهـا شديـد
والهوى تحت ظلعك بانيٍ لـه قصـور
كان قلبك تِعنَّـد والحبيِّـب عنيـد
في مهب الهبايب ضاع ريح العطـور

قالت: من إنت ؟
وقلت: مجموعة إنسان !
مِن كِلِّ ضِد وضِـد تِلقيـن فينـي
فيني نهار وليل
وأفـراح وأحـزان
أضحك ودمعي حايرٍ وسط عينـي
فيني بداية وقـت
ونهايـة أزمـان
أشتاق باكر وأعطي أمسي حنينـي !

ليه إذا حبيتك أكثر زدت قسـوة ؟

وإن دريت بحاجتي لك زدت جفوة
وإن عطيتك من حياتي ما تريـده
ماكفاك وتحسب أن الحب نـزوة
والله أني يا أحب النـاس أحبـك

والله أن الروح لو ترضيك
فـدوة

من خصايص عنود الصَّيد كثر الطَّواري
وعادة الظَّبي يجفل لي تحـرَّك ظلالـه
مايصيد الجوازي كود بخصٍ وضـاري
القنص بالرِّكـادة والتسـرِّع جهالـه
ولايعرف الطَّرد من لايعرف الصَّحاري
ماتعـرَّض سمـوم ولاتعـرَّض شمالـه

ماهقيت إن البراقـع يفتننَّـي

لين شفت ظبى النَّفود مبرقعاتِ

الله أكبـر ياعيـونٍ ناظرنَّـي
فاتناتٍ ناعسـاتٍ ساحـراتِ
في هواهن ياسعد كيف طرحنَّي
راح عمري مِن مودَّتهن فـواتِ

نامت عيوني على حسنك وشفتك حلم
يازاير الَّليـل ليـل البارحـه عدنـي
متى تجيني مثل ماجيـت حلـمٍ علـم
يازايد القلب خفقـه بالهـوى زدنـي
ترى البخل من كريم الأصل مثلك ظلم
ياظالـم الَّلـي يـودَّك ليـه تجهدنـي

للدَّار وحشه عقب سيِّد هل الجـود

وعيني غشاها عقب شمسه ظـلالِ

ما ألوم رجلك لو شِكت كايد الكود
أتعبتهـا ترقـى سنـود المعـالـي
للجسم حد وغايتك مالهـا حـدود
ظلمت نفسك مـن قديـمٍ وتالـي

ياضايق الصَّدر بالله وسِّـع الخاطـر
دنياك يازيـن ماتستاهـل الضَّيقـه
الله على مايفـرِّج كربتـك قـادر
والله له الحكم فـي دبـرة مخاليقـه
حلو العيون أستهانت دمعها الحـادر
كفَّ العباير حزين الدَّمـع ماطيقـه

أنــتــهــى
مما نــال أعـجابي
تحياتي :
Pr!Nce$$
j0ry