خليلي ضحكته منها بعاني
إلى منه ضحك مره عشاني
عشقته يوم خلاني رفيقه
رميته وسط قلبي وهو رماني

رميته وسط دار الحب الاعمى
وهو ماقصر احسن حب عطاني
تصارحنا بدون احساس والله
هويته من جماله وهو هواني

عطيته اجمل احساس المحبه
واظن الحب بلوه وابتلاني
سهرت الليل من اجله وليفي
مابين الشعر وألحان واغاني

كتبت الشعر في خلي مرتب
واوزان البيت كاوزان المباني
ولحنته وغنيته بعودي
ورقصت الملا عزف وجناني

مدام الزين عندي ليه ببكي
حرام الدمع تطريبه لساني
حتى الناس قالوا وشحصله
تحول للفرح من جو ثاني

فديته بالعمر كله حبيبي
فديته بالعمر دام العمر فاني
انا فدوه لعينك دوم ياخلي
انا فدوة حنانك ياحناني