الشوق جيش الهوا والقلب لـه فـارس
واعداء قلبـي قسـاة الوقـت وظروفـك
مارس طقوس الجفا يـا فاتنـي مـارس
بس حن مـره علـي وخلْنـي آشوفـك
مليت شرخت / مسافه / سور و الحارس
مليت كذب الوعود اللـي علـى اكتوفـك
درست كيف اكسبك واثر انت لـي دارس
خليت جيشـي بسجـن الحـب مكتوفـك
حلفت ما اقلعه رمحـك وانتـه الغـارس
حلفت ما اقفي قبـل لا آطمنـه خوفـك
ان ما رويتك غلا مانـي باْبـن فـارس
يامن يفيض الندى من راحـت اكفوفـك
وحدي هنا واقف ابلا جيـش أو فـارس
اناضـل ابعينـي محاسنـك ووصوفـك
هذي وعودي معك من مارس .. لـمارس
تجمَّّد الحـب وانتـه معلـن اكسوفـك !