ذكرتيني بااحلام الهمس الورديه ياهموسه وما اشبه الليله باالبارحه اما من ناحية اختي
من الرضاعه هوى الجنوب فذوقها رفيع وعالي المستوى وتحب الارجيله حب جنوني
(شفتي كيف الذوق الرفيع) وانا بما اني اصغر العائله(بيزعلون البنات) وعاطل باطل
ماعندي لا شغله ولا مشغله وكولوني باامور المطبخ وخاصه الارجيله وما ادراك
ما الارجيله (الا وش هي الارجيله ياهموسه) وعند كل مرور من استاذنا الفاضل
الدكتور الموسى اجهز دله خولانيه ريحتها تفك الراس وشوية قذوع من تمر وزبيب
ومكسرات وماشابه ذالك ثم نجلس نتجاذب اطراف الحديث ونقول لما يتقدم بنا قطار
العمر ونسير على مشارف الشيخوخه وش الله ابيسوي فينا انا شخصيا يامحاكيم
بديت باالتخريف وانا في العقد الثالث من عمري اجل لما اوصل الخامس والسادس
وش ابيكون حالي. تدرون خل اروح احجز لي مقعد في شهار من الان يمكن مايجي
ذاك الوقت الا وهو مزحوم من كثر النزلاء وهمسة شوق تحجز لها جناح فاخر
مجهز بااحدث ماتوصل اليه عالم الجنون.انتهت تخاريف علي السبيه ولي عوده