بســـم الله الرحمـــن جهزت الشــــراع
مبحــر علــى زورق صغيــر وابـــتديت
مبحــر وهوجاســي صـراع في صـراع
شــربت من كاس المصايب وارتـويت
ياخـــل بأسباب التــغير فـــي الطبــاع
صــبرت مــن قبــل البدايـــه وانــتهيت
حــاولت انـا اتجنب بقـــدر المستطـاع
بعـــدت عـــن درب البليــة وابتلـــــيت
قدمتنــي صيــده علــى انياب السبــاع
حاولت اشوف الدرب الأعوج وانعميت
تــــرى الهــوا مااظــن يشـرى او يباع
بعـــت الهــوا فينــي بصـدك واشتريت
انصت لك واحــسنت حتـى الاستمــاع
عــرفت قصـدك وانت تـوك ما حــكيت
اتجـــاهل اشـــوف الخيانه والـــخداع
اكــــذب عـــيوني ولا كنـــــي رأيـــت
اوصـــل حبـــال الـــود رغـم الإنقطاع
اصـــبر على طاعتك لــو كـانك عصيت
تـاهت بي الخطوه على درب الضياع
قـــدمت لك عمري ولا كنـــي عـــطيت
مـــع السـلامه حـــان ميعاد الــــوداع
ناظـــر دمــوع العــين بأسبابك بكــيت
يمكن تحـــس اني على صبري شجاع
ويمكـــن تعــــرف اني نسيتك واكتفيت