الليل كاسة عصير وطاولات وصمت جدران= وآنا على الطاوله جالس وحيد وحولي شموع
جلست في ايدي قلم وأوراق بس منهك وتعبان = ولا زهابي سوى صدر(ن) حزين وقلب موجوع
وقلت بارسم واصور حالتي واختار عنوان = ولا انتبه لين يطلع ما رسمته خد ودموع
من صار شوفه شراب الروح ليه آموت عطشان= وليه لا صار زادي لمسته يذبحني الجوع
غيم الكآبه ملا صدر الكآبه هم وأحزان = كن السعاده جريمه والفرح والضحك ممنوع
اللي نوى البعد يتعامل معي ما كني انسان = ولا كن لي رمش لا غمض دقيقه قمت مفجوع
ما عاد لي قلب يتحمل هموم أشكال والوان = يملاني الحزن رغم ان السعاده حق مشروع
تركت الأوراق فوق الطاوله واقفيت زعلان = وصرت أتمتم لحالي ليه حبل الوصل مقطوع
مشيت لكن على فكره تركت الكاس مليان= خليت ليل العنا كاسة عصير وصمت وشموع