فأدهشتني دموع الرجال وهي تنهمر ،، وكأني أرى جبالاً تتهاوي إلى حيث ينتهي كل شيء


قصيدة تعبر عن (( متى تسقط دمعة الرجل ))


تقبلوها كما تحمله من مشاعر وأحاسيس ////

شكى قلبي من أوجاع الزمان وطعنة الأحباب=
وطاحت دمعته رغم إنه أقسى من جبل قارة
تعب وانهد حيل الأمنيات إنه يعيش وشاب=
وشيخوخة عذابه تنتزع صبره بسناره
وأنا أدري دمعة الرجَّال ماتسقط بدون أسباب=
لكن حمل يطيح وتكوي الخد الندي ناره
ولا أدري وش يقول القلب لاخانه كثير أصحاب=
وصل حد الجنون وصارت الخطوات محتاره
وصار القلب والهم الشديد الباب وجه الباب=
أبد وشلون يحيا من غدى الهم الردي جاره
تشائم وجه عصفور السعادة من نعيق غراب=
وصبّت غيمة الحرمان جرح في وسط داره
عرفت أمسك سطور الهم وأخذ لي قلم وكتاب=
وأزخرف عمري اللي جاي تاره وأمسحه تاره
الين الليل قبل والقمر خلف السحابه غاب=
وقمت أجمع حطام لذكريات العمر واسراره
وإذا بي عند جرح شق صدري من زمان وطاب=
ولاكن رجعت نزفه هموم الوقت وأقداره
ياجرح ساكن فيني حسبتك مت تحت تراب=
وأثارك حي بس نايم وصح النوم بحراره
تحملتك سنين وغبت عني قلت ياتواب=
تساعدني و أنا ظامي و لا أشرب من انهاره
وجيت اللي يبعثرني ومن ذنب الشقا ماتاب=
وتسكن وسط شرياني وتعزف نغم قيثاره
وما تدري بما فيني ولكنك شديد عقاب =
ربيع العمر يتساقط و نزفه يعزف اوتاره
أنا ياأجمل جروح الأمس فيني منظر خلاب=
أمل يزرع طموح وتثمر الخيبات بأشجاره
وانا لاصرت والهم الشديد الباب وجه الباب=
قلوا وشلون يحيا من غدى الهم الردي جاره
وإذا خان الصديق وماطعنك إلا قريب أحباب=
بتسقط دمعتك لو إنك أقسى من جبل قاره